بلوچ اسٹوڈنس فرنٹ نا مرکزی جارکش 21 فروری لمئی بولی تا جہانی دے ئنا ردئٹ پارے کہ لمئی بولی تا دے آ *بلوچی ءُ براہوئی مئے وتی شہدین زبان انت* نا پنٹ کُل ہنکین تا پروگرام اڈ تننگ مرو۔
مرکزی جارکش مونی پارے کہ راج آتا بُنکی پجار لمئی آ بولی ءِ، بیدس زبان آن راج ئس زندہ مننگ کپک ، راج ہمو راج ئس مننگ مریک ہرا وخت اودے بولی اس مرے ، راجءِ تینا بستار و زندہ مننگءِ زبان المی ءِ راج ہمو وخت کہ تینا زبان ئٹ ہیت خلیک راج اس مننگ مریک ۔ بلوچ اسٹوڈنس فرنٹ ہر وخت زبان نا زندہ تخنگ کن کاریم ئٹیءِ ۔
درشان ئٹی مُستی پاننگ مس کہ بلوچی زبان نا مونی دننگ کین سرکار نا نیمہ آن ہچو کمک اس مننگ ئٹی افک ۔ اگاں زبان کن کاریم مف تو آہستہ آہستہ اونا شیرکنا لوز آک گوئنگساٹ کیرہ۔ دا دے ئنا برجم تخنگ نا مراد ہندادے کہ ورنا تے زانت و سماء مرے کہ دری زبان تا لوز آتے کارمرز کپبو بلکہ تینا زبان نا لوز آتے پٹیسہ کارمرز کرسہ کبو ۔
او تینا جار ئنا ایسر آ پارے کہ بلوچ و براہوئی ننا راجی زبان ءُ و 21 فروری آ پروگرام اّڈ تننگ مرو۔
