لندن: یونائیٹڈ کشمیر پیپلز نیشنل پارٹی 2 مئی 2023 آ لندن ئٹی ہاؤس آف کامنز ئٹی تینا افتتاحی جہانی کانفرنس نا میزبانی ءِ کرے۔ کانفرنس نا سرحال ”جنوبی ایشیا ٹی ودوکا انتہا پسندی و بےدادی، برطانیہ و جاندمی ایشیا آ اونا زہم آک“ اسّ۔ اوار مروکا تیٹی جتا برطانوی پارلیمنٹیرین، بندغی حق آتا باسک، وکیل، صحافی، نوشتہ کار و سیاسی سروک آک اوار اسر۔
کانفرنس ئٹی یوکے پی این پی نا جلا وطن چیئرمین سردار شوکت علی کشمیری، لیبر پارٹی آن پارلیمنٹ نا باسک ہلیری بین ویگ ووڈ، برطانیہ نا امن و تخفیف سلاہ نا شیڈو وزیر فیبیان ہیملٹن، کیتھرین ویسٹ، شیڈو منسٹر برائے امور خارجہ و امور کامن ویلتھ، بلوچستان آن تعلقداری تخوکا بندغی حق آتا باسک، نوشتہ کار ڈاکٹر نصیر دشتی، بلوچ نیشنل موومنٹ (BNM) نا بنجائی کمیٹی نا باسک فہیم بلوچ، مسز یونا میک گرک، اسہ تجربہ کار بیرسٹر و آئرلینڈ نا سینئر کونسل، جناب جنید قریشی، ایمسٹرڈیم ٹی رہینگوکا یورپی فاؤنڈیشن فار ساؤتھ ایشین اسٹڈیز (EFSAS) نا ایگزیکٹو ڈائریکٹر، فضل رحمان آفریدی، پشتون تحفظ موومنٹ (PTM) نا باسک و بندغی حق آتا باسک آک اوار اسر۔
اوڑدئی کروکا جاندمی ایشیا ٹی انتہا پسندی و بےدادی تا ودوکا خطرہ و برطانیہ و جاندمی ایشیا تومکا تیا دا نا زیم آتا بابت ئٹ تینا خیال آتا درشانی ءِ کریر۔
