جہانی و عیلاقائی منظر نامہ ٹی بُڑز مروکا دشمن چین ئنا نیمہ آن پاکستان ءِ تروکا جاسوس جہاز آک 11 مئی 2023 آ کولواہ ٹی شام ئٹ تنظیم نا گشتی ٹیم آ بسُر اراکان گوریلہ تا گشتی ٹولہ بشخ بشخ مس۔ سُہب ئتوں اوار جاسوس و ڈرون جہاز آک اسہ وار پدا ہندا عیلاقہ ٹی گشت کننگ ءِ شروع کریر و جتا جتا جاگہ تا میزائل خلکُر و دشمن لشکر ہیلی کاپٹر آتا کُمک ئٹ مش تا زی آ کمانڈو تے شیف کننگ شروع کرے ، گُڑا سرمچار آک جنگ ءِ بنا کریر۔ہندُن سرمچار و قوضہ گیر لشکر نا نیام ئٹ بھلو جنگ ئس بنا مس ہراٹی تنظیم نا سنگت آک دشمن نا گھیرا ءِ پرغنگ ئٹی سہبمَنْد مسُر و دشمن لشکر نا 12 ایس ایس جی کمانڈوک سرمچار آتا دا جلہو ئٹی خلنگار۔
12 مئی شام ئنا دہ بجہ آ منہ کلو میٹر مُر کمانڈو تا ایلو ٹولہ توں سرمچار آک مونی تمار۔ ہندا وخت میجر آسمی وفا تینا ایلو سنگت آتے کشنگ ئٹی سہبمَنْد مس ولے تینٹ دا کوشست ئٹی شہید مس، شہادت نا وخت تینا سنگت آتون ہیت کریسہ میجر آسمی پاریسَس کہ " نن کن بلوچ سرزمین نا رکھنگ، بلوچ راجی بقا و شہادت آن زیات پین ہچ ئس مقدس افک"۔
مُسہ دے ئنا بھلا آپریشن ئٹی دشمن لشکر نا کرایہ نا کارندہ آک فضائی کُمک و پوسکُنا جنگی سہولت آتا مننگ آن بیدس ہم ذہنی حوالہ ئٹ مفلوج مس اسُر و بلوچستان نا چُنا میجر آسمی وفا و ایلو شہید آک آجوئی نا جزبہ و وطن تون مہر ئنا سوب بے کچ ہمت و حوصلہ نشان تریسہ تینا جان آتے قربان کریسہ ایلو سنگت آتے کشنگ ئٹی سہبمَنْد مسُر۔
دشمن لشکر نا میڈیا ونگ آئی ایس پی آر تینا فوجی تا شیف مروکا مورال نا سوب آن سرمچار آتا دو آن خلنگ مروکا لشکری کارندہ آتے ڈھکنگ نا ناکام کوشست کننگ ءِ ۔
میجر آسمی وفا عرف شاہ داد ولد دلوش ڈنڈار کولواہ نا ہندی 2012 آن باقاعدہ بی ایل ایف نا صف تیٹی اوار مس۔ جنگی مہارت،بہادری، بلوچ اُلس ئنا جْوان انگا رابطہ تخنگ و تنظیمی ہمدرد آتون عاجزی ءُ خوش اخلاقی ءِ ہُریسہ اوفتے نیٹورک کمانڈر کننگا۔ پاکستانی قوضہ گیر لشکر آسمی وفاءِ نزور کننگ کن اونا اُراتے ہُشا و خاہوت نا بندغ آتے جبر ئٹ بیگواہ کریسہ کرے، اوکان پد اونا فیملی آئی ڈی پیز نا زند ءِ گداریفنگ کن مجبور مس ولے وفا نا حوصلہ و ارادہ آک ہچ وخت نزور متوس۔ آسمی وفا نا ثابت قدمی و رہشونی نا صلاحیت آتے ہُرسہ 2022 ئٹی تنظیم نا ریجنل کونسل اوفتے میجر نا ذمہ واری تے تسک۔ اوفک تینا بہادری، صبر و اُلس ئتوں جْوان انگا رابطہ نا سوب آن اسہ رول ماڈل سرمچار ئس اسک۔ یاتی مرے کی میجر آسمی وفا عطاشاد ڈگری کالج آن گریجویشن کرے و بلوچی زبان ئٹی شاعری ہم کریکا۔
سیٹھ عبدالصمد عرف واجہ دینار ولد محمد رحیم تیرتیج آواران نا ہندی 2013 آن بی ایل ایف نا بشخ اسک۔ وطن نا دا فرزند سْیاسی شعور آن سرشار ئس ہرانا سوب آن اوفتے چُنکو مدت ئسیٹی گوریلہ دستہ نا لیفٹنٹ کننگا۔
سیکنڈ لیفٹینٹ عارف عرف شکاری ولد علی بخش سہر کولواہ نا ہندی 2013 ٹی بی ایل ایف تون اوار مس۔ او بہادری و صبر ئٹی ہر وخت سرمچار آتے کن رول ماڈل اس مسُنے۔ غریبی و تنگدستی آن پد ہم اوفک تینا اُرا و چُنا تا ضرورت آتے پورو کننگ نا فکر ئنا جاگہ تحریک آزادی و تنظیم نا پروگرام ءِ ترجیع تریسہ کرے ہرا تحریک تون اونا نظریاتی رشتہ ءِ ثابت کننگ کن بس ءِ۔ او جتا جتا ہند آتیٹی جنگی عمل تا بشخ مس۔ بھلو مُدت ئسْیان بلوچ راجی تحریک تون اواری نا سوب آن پاکستانی لشکر ہردے ئی حساب ئٹ اوفتا اُرا والاتے ذہنی و جسمانی تشدد کریکہ۔
سرمچار علی عرف کُمک ولد بجار پاھُو آواران نا ہندی 2019 ئٹی بی ایل ایف نا سرمچار مس۔ داکان مُست او تنظیم نا پرجوش ءُ حمایتی ئس اسک۔ چُنکی آن تینا ورنائی اسکان مش تیٹی مننگ نا سوب آن او مشی کسر تا ماہر اسک و ایمرجنسی ٹی سرمچار آتا کُمک کن بسکہ ہندا سوب آن اونا تنظیمی پن کُمک مس و ہندا پن ئٹ اوفک تنظیم ئٹی چائنگ مسُرہ۔ او تینا گوریلہ دستہ ٹی اسہ جْوان ءُ سنائپر شوٹر ئس اسک، او آواران نا عیلاقہ تیٹی تنظیمی مشن و جنگی پروگرام تا بشخ اسک۔
سرمچار جاوید عرف عمر جان ولد بدل شاپکول کولواہ نا ہندی 2019 آن بی ایل ایف نا سرمچار اسک۔ آواران، کولواہ تون اوار ہیب کھیب ئٹی تنظیم جنگی ٹیم آتا بشخ اسک۔ یاتی مرے کی شہید عمر جان نا تیبہ خاہوت دشمن نا زوراکی تا گواچی مسَس۔ ولے اوکان پد ہم ورنا انگا سرمچار نا حوصلہ ٹی ہچ وخت کمی بتو۔
سرمچار شاہ میر عرف سفر خان ولد شکر کرکی تجابان تربت نا ہندی 2014 ٹی بی ایل ایف نا صف تیٹی اوار مس۔ او بے کچ محنتی و جفاکش ءُ سرمچار ئس اس۔ او کولواہ،تجابان و ہیب کیب ئنا ہند آتیٹی جنگی فرض آتے پورو کریسہ دشمن ءِ بھلو نسخان تسَس۔
بی ایل ایف شہیداتے خراج عقیدت ندر کننگ تو اوار دا قول ءِ دوارہ کیک کہ بلوچستان نا آجوئی اسکان قوضہ گیر پاکستان نا بر خلاف جنگ ءِ برجاء تخو۔
میجر گہرام بلوچ
جارکش: بلوچستان لبریشن فرنٹ
