ریڈیو زْرمبش براہوئی | ریڈیو زْرمبش براہوئی,Balochistan-liberation-front,Attack-on-pakistani-forces,BLF-is-the-Largest-armed-organization-of-balochistan,In-bolan-,siraj-abad-area,On-convey-of-a-brigadier-shahid-nadeem,With-ied-bomb-,Car-was-totally-destroyed,Six-army-personnels-were-killed-

بلوچستان لبریشن فرنٹ نا جارکش میجر گہرام بلوچ میڈیا ٹی شینک مروکا درشان ئسیٹی پارے کہ ننا سرمچاراک 4 فروری شام ئنا وخت 6:30 آ بولان نا ہند سراج آباد ئٹی بریگیڈیئر شاہد ندیم لاشاری نا قافلہ ٹی اسہ لاری سے موہان تخوک شورہ تے ئٹ نشانہ کریر اوڑاں لاری تیوعہ بھُس مس و لاری ٹی سوار اِنگا 6 کارندہ خلنگار و ایلو ٹپی مسُر۔ دا قافلہ سوئی آن کوئٹہ کن ہننگ اسک۔

یاتی مرے کہ بلوچستان ئٹی قوضہ گیر پاکستانی لشکر تینا فوج ئنا تموک مورالءِ بلُن کننگ کے فوجی آپریشن تیٹی گیشی ہتنگءِ و فوجی آفیسر آک جتا جتا کیمپ آتا دورہ کریسہ فوجءِ مصنوعی حوصلہ تننگ ئٹی ءُ ولے بلوچ سرمچاراک ہم دشمن نا ہرچ گام و حکمت عملی تے آ خن تخانو و دشمنءِ بیسہب کریسہ بننگءُ۔

میجر گہرام بلوچ آخر ئٹ پارے کہ بلوچستان نا آجوئی اسکاں قوضہ گیر لشکر نا زی آ جلہوک برجاء مرور۔