بلوچستان لبریشن فرنٹ نا جارکش میجر گہرام بلوچ جھاؤ ٹی ریاستی ڈیتھ اسکواڈ نا اِرا کارمندہ نورا ولد اللہ بخش و محب اللہ ولد محمد ہاشم نا زی آ جلہو نا زمہ واریءِ ہرفسہ پارے کہ سرمچار آک تدوکا دے 3 فروری آ جھاؤ نا علاقہ پیلار ٹی دژمن ریاست نا ایجنٹ آتا کسر آ اسہ بارودی سرنگ ئس کھڈ کریر اراڑان دژمن نا اِرا کارمندہ نورا ولد اللہ بخش و محب اللہ ولد محمد ہاشم بھاز ٹپی مسُر۔ میجر گہرام مونی پارے کہ ہندا بندغ آتا سربراہیءِ ریاستی ڈیتھ اسکواڈ نا بندغ سبزل کیک ۔ کُل چاگڑد نا خرابی کروکا تے مُچ کریسہ سرمچار آتا برخلاف کارمرز کیک۔ دا بندغاک دشمن نا دست اول آکو ۔
دا بھاز بلوچ نا شہادت و اغواء کننگ ئٹی اوارءُ ۔
پاکستانی لشکر سبزلءِ بلو بلو سلاح تسونے تاکہ اوفتے بلوچ راجی جہد ئنا برخلاف کارمرز کریسہ تینا مقصدءِ مسختءِ پورو کے ۔ اینو بلوچ راجءِ خبر مرے کہ ریاست لس بلوچاتے منہ آسراتی تہ خاطر آن کارمرز کیک بیرہ تینا فائدہ کن ۔
دافتا رئیا بلوچ آتے بیرہ غلام آن پین ہچو حیثیت اس افک ۔ دننگا کُل عناصر آک اراکہ بلوچ آجوئی نا برخلاف کاریم کننگءُ سرمچار آتا نشانہ ٹیءُ ۔ اوفتا مونی پاننگ اس کہ سرمچاراک 23 جنوری آ جھاؤ، واجہ باغ کیمپ ئٹی ٹھیکدار نا کسنٹرکشن نا ساز و سامان ، و مشینری تے ہُشار۔ ہندا ٹھیکدار قوضہ گیر پاکستان لشکر کن کسر تیتوں اوار ایلو تعمیراتی کمپنی ورکس آرگنائزشن (ایف ڈبلیو او ) آن ٹھیکہ ہلیسہ کاریم کننگءُ ، دُنننگ آ بندغ آتے پاننگ خواہینہ اوفک جوان مریر اگاں نا تینا نسخان نا ذمہ وار تینٹ مریرہ۔
