بلوچستان لبریشن فرنٹ نا جارکش میجر گہرام بلوچ پَنجْگُور و تُربَت ئٹی پاکستانی لشکر نا زی آ جلہو تا ذمہ واری ئے ہرفسہ پارے کہ ننا سرمچاراک 28 فروری دے ئنا 10:30 بجہ آ پَنجْگُور چتکان ئٹی نیو کمپلکس ٹرمینل نا خُڑک آ پاکستانی لشکر نا لاری نا زی آ جلہو کریر،لاری ٹی سوار اسہ آفیسر ئسیتون اوار اِرا کارندہ خلنگار ۔ دا پاکستانی آرمی نا فیکٹری لاری ئس اسک ہراڑا اوفک ہلار تے مُچ کننگ نا کاریم ءِ کریرہ۔
بی ایل ایف نا جارکش میجر گہرام تینا درشان ئٹی مونی پارے کہ ضلع کیچ ئنا بھلا شہر تُربَت ئٹی پاکستانی لشکر نا جلہو ذمہ واری ءِ ہرفسہ پارے کہ 27 فروری شام ئنا نوہ بجہ ءُ بیست منٹ آ سرمچاراک سنگانی سر ئٹی بورڈ ئنا خُڑک پاکستانی لشکر نا چوکی نا زی آ آر پی جی نا اِرا گولہ خلکُر ہرافک چوکی نا زی آ لگار ہراٹی اِرا کارندہ کھسکُر و کیہیک ٹپی مسُر۔ تُربَت شہر ئٹی ہننگ و پیشن مننگ نا کسر تا زی آ کیہی چیک پوسٹ آتا مننگ نا باوجود ہم سرمچار آتا دُننگ آ جلہو تا سوب آن دشمن لشکر سخت ذہنی پریشانی نا گواچی ءِ ۔ ہندا سوب آن قوضہ گیر لشکر تینا بے سہُبی تے ڈکھنگ کن اُلس ئنا زی آ تینا مون سُمکاری کرے ہراٹی منہ بندغاتا ٹپی مننگ نا حوال ارے۔
میجر گہرام ایسر ئٹ پارے کہ دا جلہو آک بلوچستان نا آجوئی اسکان قوضہ گیر لشکر و اونا کمکار ءُ ڈیتھ اسکواڈ آتا زی آ تیزی ئٹ برجاء مرور۔
