ریڈیو زْرمبش براہوئی | ریڈیو زْرمبش براہوئی,Balochistan-liberation-front,In-turbat,Took-responsibility-for-killing-a-MI-member,He-was-from-khebarpakhtonkhowa

بلوچستان لبریشن فرنٹ نا سرمچار آک اینو سُہب ئنا یانزدہ بجہ ءُ بیست منٹ آ کیچ ئنا بھلا شہر تربت نا ہند ڈنُک ئٹی پاکستانی لشکر نا ملٹری انٹیلیجنس (ایم آئی) نا حاضر سروس کارندہ ثناء اللہ خیبرپختونخواہ کرک نا ہندی ءِ سُمکاری کریسہ خلُکر۔

ایم آئی نا کارندہ ءِ سرمچار آک ہمو وخت نشانہ کریر وختس او ڈی بلوچ نا لشکری کیمپ آن پیشتمسہ تربت شہر ئنا نیمہ آ ہِننگ اسک۔

ایم آئی نا کارندہ تدوکا شش سال آن تربت ئٹی پوسٹ مسُنے۔ خَدو آن اونا ڈیوٹی ڈی بلوچ کیمپ ئنا ایم آئی برانچ ئٹی اسک ولہ داکان مُست او تربت شہر ئٹی ایم آئی نا کیمپ و ایف سی نا بھلا کیمپ ئٹی تینا کاریم تے کننگ اسک۔

ننا انٹیلیجنس ونگ بھاز وخت آن دانا زی آ خن تخاسَس۔ او تربت شہر آن بیدس خاص کر گوکدان و ڈنُک ئٹی کاریم کننگ اس۔ او مخبری کن ہندی بندغ آتا نیٹورک ئس اڈ تسَس ہرافتا کُھل معلومات تنظیم نا رئی اریر۔

بی ایل ایف دا جلہو نا ذمہ واری ءِ ہرفک ۔ دانا کُل کارندہ آک ننا نشانہ ٹی ءُ ، ہندی بندغ آتان خواست کینہ اوفک دُن اِنگا کُھل بندغ آتان مُر مریر دا جلہو آک بلوچستان نا آجوئی اسکان برجاء مرور۔

میجر گہرام بلوچ

جارکش: بلوچستان لبریشن فرنٹ