بلوچستان لبریشن فرنٹ نا سرمچاراک آواران نا ہند وادی مشکے ٹی پاکستانی لشکر نا منگولی کیمپ و اِرا موبائل ٹاور ئے نشانہ کریر۔
اوفک تینا درشان ئٹی مونی پاریر کہ تدوکا دے پنچ شمبے مشکے نا ہند منگولی آرمی کیمپ ئنا زی آ سرمچاراک راکٹ و پین بلا سلاہ تے ئٹ جلہو کریر، راکٹ آک کیمپ ئنا تہٹی تمار، ہراڑان پاکستانی لشکر ئے جانی و مالی نسخان ہرفوئی تما۔دا جلہو آن زوت پد سرمچاراک منگولی ٹی یوفون نا اسہ ٹاور ئسے خاخر تسُر۔
ہندُن وادی مشکے نا ہند میسکی ٹی دشمن لشکر اسہ پین یوفون ٹاور ئس اڈ تننگ اس اودے ہم سرمچاراک جلہو کریسہ بھس کریر۔
یاتی مرے کہ دشمن لشکر تینا و تینا کمکار آتا سہولت و سرمچار آتے ٹریس کننگ کن مشی ہند آتیٹی ٹاور آتا توجیل اڈ کننگ ئے کہ سرمچاراتے نشانہ کننگ کے۔
بی ایل ایف نا جارکش میجر گہرام بلوچ ایسر ئٹ پارے کہ دا جلہو تا ذمہ واری ئے ہرفنہ و دا جلہو آک بلوچستان نا آجوئی اسکان قوضہ گیر لشکر نا زی آ برجاء مرور۔
