بلوچستان لبریشن فرنٹ نا جارکش میجر گہرام بلوچ میڈیا ٹی تینا شینک کروکا درشان ئٹی پارے کہ اینو سُہب ئنا یانزده بجہ نا خڑک آ سرمچاراک ضلع کیچ ئنا ہند مند شیراز مولڈ ئٹی برجاء پاکستانی لشکر نا چوکی آ اسنائپر ،راکٹ و پوسکُنا سلاء تے ئٹ جلہو کریر ہراٹی مُسہ لشکری کارنده خلنگار و کیہیک ٹپی مسُر.
اوفک مونی پاریر کہ سرمچاراک مولڈ چوکی نا زی آ مہٹ اسنائپر جلہو کریسه اسه لشکری کارنده اس خلکُر و اوڑتوں اوار راکٹ ءُ پوسکُنا سلاء تے ئٹ دشمن پاکستانی لشکر نا زی آ سخت ءُ جلہو ئس کریر. اسه راکٹ همو ٹک آ تما ہراڑے پاکستانی لشکر نا بندغاک تینکن اِرغ جوڑ کننگ اسُر. دا جلہو ئٹی دشمن لشکر نا مُسہ کارنده خلنگار و کیہیک ٹپی مسُر.
قوضه گیر لشکر نا زی آ جلہو آک قوضہ مروکا بلوچستان نا آجوئی اسکان برجاء مرور.
