ریڈیو زْرمبش براہوئی | ریڈیو زْرمبش براہوئی,Balochistan-liberation-front,took-responsbility,For-attacking-Pakistani-forces-check-post-and-death-squad-members,in-mashkai,jhaki-and-manjo

بلوچستان لبریشن فرنٹ نا سرمچار آک مشکے ٹی لشکری چوکی، ڈیتھ اسکواڈ و گچک ئٹی یوفون نا ٹاور آ جلہو کریر۔

بیست ءُ پنچ مئی نا دے گشت ئنا وخت آ سُہب ئنا شش بجہ آ مشکے نا ہند جکی کلاتک ئٹی سرمچار و ریاستی سلاہ بند ایجنٹ آتا ڈیتھ  اسکواڈ تون مون پہ مون مسُر، ہراڑان اسہ جنگ ئس بنا مس۔ دا جنگ ئٹی ریاستی ایجنٹ آتا گروپ ہرا مسلح دفاع نا پن ئٹ کاریم کیک اوفتے جانی نسخان ہرفوئی تما۔ ہندا وخت پاکستانی لشکر نا جنگی ہیلی کاپٹر آک خُڑک ئنا مش منجو ٹی کمانڈو تخار، لشکر کشی شروع مس و درخت آتے خاخر تسُر۔

دا تدینی تان پد سرمچار آک شام ئنا نوہ بجہ آ مشکے میانی قلات ئٹی جوڑ مروکا چوکی ءِ راکٹ و خودکار سلاہ تیٹ نشانہ کریر ہراٹی اِرا کارندہ خلنگار و اسٹ ٹپی مس۔

اسہ پین جلہو ئسیٹی سرمچار آک پنجگور نا ہند گچک ئٹی پاکستانی ٹیلی کمیونیکیشن لمیٹڈ نا موبائل کمپنی یوفون نا ٹاور ءِ نشانہ کریسہ مشینری تے ہُشار۔ پاکستان و چین بلوچستان نا جتا انگا ہند آتا آجوئی خواہوک آ جہدکار و ہمدرد  آتے ٹریس کننگ و حوال ہلنگ تون اوار تینا جاسوس ءُ اوڑے لشکری کارندہ آتے سہولت کن موبائل ٹاور آتا جال خلنگ ءِ۔

دا جلہو آک بلوچستان نا آجوئی اسکان برجاء مرور۔

میجر گہرام بلوچ

جارکش: بلوچستان لبریشن فرنٹ