بلوچستان نا ہند بولان ڈھاڈر نا ٹک نوشم ئٹی 30 مارچ ئنا دے خیر بخش عرف اشفاق آجو سنگت تنظیم نا سرمچار آتون ہردے ئی گشت ئسیٹی اسک ہراڈے پاکستانی لشکر تون جھڑپ مس۔ دا جھڑپ ئٹی پاکستانی لشکر نا کیہی فوجیک خلنگار و ٹپی مسُر، ہندُن دا مون پہ مون جنگ ئٹی بی ایل ایف نا سرمچار خیر بخش عرف اشفاق آجو ولد محمد بخش دشمن تون بہادری ئٹ مقابلہ کریسہ جام شہادت نوش کرے و تینا ایلو سنگت آتے کشنگ ئٹی سُہبمَنْد مس۔
شہید خیر بخش 2010 ئٹی بی ایل ایف تون اوار مس و اکتوبر 2015 آن باقاعدہ کیمپ ئٹی تینا ذمہ واری تے پورو کننگ ءِ شروع کرے۔ شہید خیر بخش نا بنیاتی تعلق مستونگ دَشْت آن اسک۔ او بلوچستان نا جتا انگا جنگی محاذ آتا خدمت کریر۔ او اسہ جْوان ءُ گوریلہ جنگجو اس اسک۔
داکان مُست اونا چُنکا ایلُم نصراللہ کوہ ماران ئٹی 29 مارچ 2018 ٹی اسہ لشکر کشی سینا وخت آ قوضہ گیر لشکر تون بہادری ئٹ جنگ کریسہ شہید مس۔
بلوچستان لبریشن فرنٹ کن دا قربانیک قابل فخر ءُ و دا قربانی تا ثمر ءِ بلوچ سرمچاراک آجو مروکا بلوچستان نا دروشم ئٹ خنور۔
میجر گہرام بلوچ
ترجمان، بلوچستان لبریشن فرنٹ
