بلوچستان لبریشن فرنٹ نا سرمچاراک اینو 27 اپریل آ مشکے نا ہند النگی ٹی ریاستی ایجنٹ بشیر عرف ٹلو ولد عثمان نا زی آ سُمکاری کریر ہراٹی او ٹپی مس۔ او مشکے نا جتا انگا ہند زُنگ،راحت، کوہ اسپیت و واشک راغے ٹی زوراکی تا وخت آ پاکستانی لشکر تون اوار مسُنے۔
بشیر عرف ٹلو 2013 ٹی بلوچستان نا سلاہ بند جہد ئٹی اوار مس ولے 2015 ٹی او پاکستانی لشکر نا مونا سرنڈر کریسہ اوفتیکن مخبری و حوال سر کننگ نا کاریم ءِ کریکہ۔ اینو سُہب ئنا وخت آ او موٹر سائیکل آ ہننگ اسک ہمو وخت سرمچار آتا سُمکاری ٹی ٹپی مس و تینا توفک ءُ موٹرسائیکل ءِ یلا کریسہ آبادی نا نیمہ آ نرا۔ سرمچاراک اونا توفک ءِ ہرفیر۔
پاکستانی لشکر نا ہند ئٹی اسہ سلاہ بند ڈیتھ اسکواڈ ئس جوڑ کرینے۔ بشیر ٹلو ہمونا بشخ اسک۔ اوٹی کیہی بندغاتے بھرتی کریسہ مشکے کالج ئٹی تولنگ نا جاگہ و سہولت تننگانے۔ ہندا کالج ئٹی دہ سال آن زیات پاکستانی لشکر نا قوضہ اسک ہرادے منہ توو مُست خالی کریسہ ڈیتھ اسکواڈ نا حوالہ کننگانے۔ ہندا ایجنٹ آتے توو ئنا 15 ہزار روپی تننگک کہ اوفک ہند ئٹی بد امنی، دُزی و بندغاتے تنگ کننگ نا سلسلہ ءِ برجاء تخیر۔
دُننگا کُل بلوچ آتے ہدایت کینہ کہ اوفک دشمن نا چال، دھمکی و لالچ ئٹی راجی آجوئی نا برخلاف ریاست نا کمک کار مننگ آن پہریز کیر۔
میجر گہرام بلوچ
جارکش بلوچستان لبریشن فرنٹ
