بلوچستان آجوئی سنگر نا ترجمان میجر گہرام میڈیا غا شینک کروک تینا درشان ئٹی پارے کہ پنچ شمبے 7 جولائی نا سہب آ ضلع کیچ ئنا شار تربت ئٹی گورکوپ اسٹاپ آ ریاستی مخبر حاجی آسمی ءِ سرمچار آک ٹک کریسہ خلکُر۔
اونا پاننگ ئس کہ ہندا ریاستی مخبر و ایجنٹ گورکوپ آن ہنپسہ تربت آ جاگہی مس۔ گورکوپ ئٹی 2018 نا لشکری آپریشن و زوراکی ٹی آسمی و جمک نا اسہ شخصیت اس براہ راست اوار ئسر۔ دا زوراکی ٹی آسمی نا کنڈ آن ہرا بندغ آک لشکر تون اوار مریسہ اودے کمک کرینو، ہمو غٹ شابیت حوال آک بی ایل ایف تون اریر۔
آسمی نا کرت و کاریمک و اونا نیٹ ورک نا بابت ئٹ اسلم پنی ءُ مخبر اس شابیت حوال تے تِسس ہرادے تنظیم نا اسہ سنگت اس دزگیر کریسہ اودان تفتیش و اونا ڈوہ ئنا مَننگ آن گڈ مرگ ئنا سزا تِسس۔ گورکوپ ئٹی بھاز انگا بندغ آتا بیگواہ کننگ ئٹی آسمی اوار ءِ۔
اود کیہی بندغ آتے جبر ئٹ بیگواہ کننگ آن پد اوفتے یلہ کننگ کن خاہوت آتے بھلو کچ ئسے ٹی زر ہم ہلیسہ کریکا۔ دا بندغی نا بر خلاف بھلو میار ئسے اینو اودے سرمچار آک لشکری زوراکی ٹی و زورانسری بیگواہی نا وڑ انگا میار آ تیٹی اوار مننگ آن پد سزا تننگا۔
ہر ہمو بندغ ہرا کہ دُننگا بندغی حق آتا بر خلاف و لشکری آپریشن تیٹی اوار خننگا گڑا اودے سزا تننگ جہانی قانود آتا رد ئٹ ہم بر حق ءِ۔ نن دننگا غٹ بندغ آتے سختی ئٹ پانہ کہ اوفک چنکا چنکا سواد آ تیکن پاکستانی لشکر نا مخبر جوڑ مننگ آن تینے پد تورِر۔
