بلوچ لبریشن آرمی نا ترجمان میڈیا ٹی شنگ کروکا تینا درشان ئٹ زرغون و مارگٹ جلہو تیٹ کوزہ گیر پاکستانی لشکر نا نوہ کارندہ کھسفنگ و ہفت ٹپی کننگ نا ذمہ واری ءِ ہَرفیسہ پارے کہ بی ایل اے نا سرمچار آک تدوکا نن شال ئنا ہیب ءَ کھیب ئنا علاقہ زرغون ئٹی کوزہ گیر پاکستانی لشکر نا اسہ پوسٹ ئسے ٹک کریر، سرمچار آک پوسٹ آ اِرا کنڈ آن پوسکن آ سلاء تیٹ جلہو کریر ہرا نا بھرم ئٹی پنچ کارندہ جاگہ غا کھسکر و کم آن کم مُسہ دشمن کارندہ ٹپی حالیت ئٹ نرار۔
او پارے کہ اینو سہب ئنا کوزہ گیر لشکر زرغون، مارگٹ و ہیب ءَ کھیب ئنا عیلاقہ آتیٹ مُستی گام خلنگ بناء کرے، ہراڑے اوفتے گن شپ و جاسوس طیارہ تا کمک دوئی اس، دا نیام ئٹ مارگٹ ئٹی مُست آن چاری بی ایل اے نا سرمچار آک کوزہ گیر لشکر نا پند آ ہنوکا کارندہ تے کبین آ سلاء تیٹ ٹک کریر، جلہو نا بھرم ئٹی کم آن کم چار پین دشمن کارندہ مرگ ئنا گواچی و چار ٹپی مسر۔
اونا پاننگ اس کہ زرغون تون اوار بولان نا ہیب ءَ کھیب ئنا عیلاقہ آتیٹ منَہ کولا کانڑ نا ٹھیکیدار و مزور باقاعدہ کوزہ گیر پاکستانی لشکر کن کمکار نا کاریم کننگ ءُ ہرافتا رکھ کن کوزہ گیر لشکر عیلاقہ ٹی پوسٹ جوڑ کرینے۔ پن کروک پوسٹ آک ہم اندا مسخت کن اڈ تننگاسر ہرافتے ٹک کننگا۔
ترجمان پارے کہ کوزہ گیر لشکر کن کاریم کروکا بندغاک یات تخر کہ ہرا فوج تینا رکھ ءِ کننگ کپک، او تینا کمکار آتے ہم رکھنگ کپک۔ بلوچ لبریشن آرمی داکان مُست ہم خبڑدار کرینے و اسہ وار پدا پاش پائک کہ کوزہ گیر لشکر کن مخبری کروک، راشن تروک و دیر سپلائی کننگ نا آسراتی تروکا تینے پد تورِر نہ تو کوزہ گیر لشکر ءِ آسراتی تروکا ٹھیکیدار یا مزور آک تینا جانی و مالی نسخان نا ذمہ وار تینٹ مرور۔
او ودیک پارے کہ بلوچ لبریشن آرمی قومی آجوئی کن اسہ بھلو سوچ و سیاسی پروگرام ئس تخک، ہر معاملہ آ سیاسی نقطہ نظر ئٹ ٹک خلیک و پدا فیصلہ کیک۔ بی ایل اے السی مخ تفی ءِ ہی تاغت سرپند مریک و الس ءِ ڈکھ تننگ ءِ قومی ڈوہداری پُہہ مریک۔ ولے کوزہ گیر لشکر تون ساز باز کروکا چائے ہرا قوم آن مرے اودے بشخنگ مفرو۔
