ارجنٹائن نا نائب صدر کرسٹینا فرنانڈیز ڈی کرچنر آ قاتلانہ جلہو نا کوشست بے سہب مس ـ۔
کرسٹینا تینا لاری آن پیشتما مُچی ٹی اسہ بندغ ئس پستول ءِ کشا خوش قسمتی آن سُم خاخر دتتو و اونا جان بچاـ۔
دا وخت ئنا ویڈیو سوشل میڈیا ٹی شنگ مسُنےـ نائب صدر کرسٹینا فرنانڈیز ڈی کرچنر نا سیکورٹی نا بندغ آک ملزم ءِ دزگیر کریر و دو ئنا تہ پستول ءِ ہلکُرـ۔
نائب صدر آ قاتلانہ جلہو نا کوشست ارجنٹائن ئٹی ودّوکا سیاسی کشمکش نا نشاندھی ءِ کیک۔
ارجنٹائن نا صدر و ایلو سیاست دان آک دا دے ءِ مون او دے ئس قرار تسوُنو اراتم اسہ زالبول سیاستدان ئسے نا جان ئے مُچی ٹی ہلنگ نا کوشست کننگا۔
پیشن ملکی میڈیا نا رد ئٹ ارجنٹائن نا نائب صدر تینا اُرا غا واپس بننگ ئٹی مسُنے ، او چہ وخت ئس کار آن پیشتما تو اُوڑے میڈیا نا نمائنده آک و بندغ آتا مُچی مس ـ۔
ہندا وخت آ جلہو کار بندغ آتا مُچی ٹی بس نائب صدر آ پستول ئے تورے ـ ہندی میڈیا پارے کہ جلہو کار نا پن فرنینڈو سابگ ءِ ـ پولیس اودے جُست اکن نادرست او جہہ سے آ درینےـ۔
