امریکہ نا قید ئٹی بند سینیئر طالبان رہشون حاجی بشیر نور زئی ئے یلہ کننگا۔
امریکی جیل آن یلہ مننگ آن پد سینیئر طالبان رہشون حاجی بشیر نور زئی کابل آ رسینگا ،
افغان وزیر خارجہ نا دا رد ئٹ پاننگ ئے کہ طالبان رہشون نا یلہ مننگ نا بدل ئٹی امریکی انجینیئر مارک فریرچس ئے یلہ کننگا ، قطر ئٹی ساڑی طالبان نا ترجمان محمد نعیم تصدیق کرینے ، کہ حاجی بشیر نورزئی ئے یلہ کننگانے و کابل ئے سر کننگانے ،
افغان میڈیا نا رد ئٹ سینیئر طالبان رہنما حاجی بشیر نورزئی امریکہ نا جیل ئٹی عمر قید نا سزا کننگ ئس ، ولہ او گوانتا نامو بے جیل ئٹی الو ، افغان میڈیا پارے کہ سینیئر طالبان رہشون حاجی بشیر نورزئی ئے اینو سہب ئنا کابل ایئر پورٹ آ افغان حکومت نا حوالہ کننگا ، غیر ملکی میڈیا نا رد ئٹ حاجی بشیر نورزئی ہیروئن نا اسمگلنگ نا ڈوھ ئٹی 2005 ئٹی امریکہ ٹی گرفتار مس اَس ۔
