ریڈیو زْرمبش براہوئی | ریڈیو زْرمبش براہوئی,Afghanistan,attack-on-a-mosque

افغانستان مسجد نا پیشن ءَ بمب تراک ئٹی مولوی مجیب تون اوار بھاز بندغ بیران ۔ بیران مروکا تے ٹی امام مسجد مولوی مجیب انصار نا ایلم ہم اوار ءِ۔

ہندی حوال آتا رد ئٹ افغانستان نا صوبہ ہرات نا مسجد نا پیشن ءَ مروکا دھماکہ ٹی امام مسجد تون اوار بھاز بندغ نا بیرانی نا حوال ارے ، افغان میڈیا نا ردئٹ امام مسجد مولوی مجیب انصار نماز جمعہ نا خواننگ آن پد ،ہنداخس کہ مسجد آن پیشتما تو زوراکو دھماکہ ئس مس ۔ پولیس نا ردئٹ دھماکہ ٹی مولوی مجیب انصار تینا ایلم تون اوار بیران مس ، وخت ئس کہ اوڑتون اوار گارڈ و ایلو شاری ہم ساڑی اسُر او ٹپی مسُر ۔ ہندی حوال آتا رد ئٹ دھماکہ ٹی مولوی مجیب انصار تون اوار کم از کم 20 بندغ بیران ،200 ٹپی ، واہم سرکاری نا کنڈ آن پک کننگ متنے ۔ ہچو گروپ ئسے نا نیمہ غان دا دھماکہ نا زمہ واری ہرفنگتنے ۔ واہم افغانستان نا سیکیورٹی ادارہ غاک ہندا خلیس ئے ظاہر کرینو کہ ، دھماکہ نا پد آن داعش نا دو مننگ کیک ۔ دھماکہ آن پد طالبان سیکورٹی فورسز علاقہ ئے گھیرہ کرینے و اسپتال ئٹی ایمرجنسی نافذ کننگ مسونے ۔