افغانستان نا دارالحکومت کابل ئٹی اینو سہب ئنا اسہ خودکش جلہوکار ئس روسی سفارت خانہ ءِ نشانہ کننگ نا کوشست کرے۔
کابل پولیس نا رد ئٹ جلہوکار سفارت خانہ نا گیٹ ئنا خُڑک آ سر مس گڑا طالبان نا رکھوکاک اودے سُم خلیسہ خلکُر
پولیس نا رد ئٹ جلہوکار ئے تینا ہدف آ سر مننگ آن موہٹ روسی سفارت خانہ نا رکھوکاک دُرست کریر و اودے سُم خلکُر
ایلو کنڈ آ بھاز انگا ذرائع تا پاننگ ءِ کہ جلہوکار تینے بارود ئٹ ترخِفینے
یاتی مرے کہ روس دا دے تیٹی ہمو جہانی ڈیہہ تان اسٹ ئسے کہ اود طالبان نا ڈیہہ ئنا زی آ قوضہ کننگ آن پد ہم تینا سفارت خانہ ءِ کابل ئٹی برجاء تخانے واہم ماسکو طالبان ءِ سرکاری رد ئٹ قبول کتنے ولے اوفک پیٹرول و ایلو گڑا تا رسیفنگ کن کوالخواہ تیتو ہیت کننگ ءِ
