ریڈیو زْرمبش بلوچی | ریڈیو زْرمبش بلوچی

شال:داں مرگ شُدکشیں زھرشانی ءَ نشتگیں مردمانی جاور ناگیگ بیان اَنت

شال:داں مرگ شُدکشیں زھرشانی ءَ نشتگیں مردمانی جاور ناگیگ بیان اَنت

SEP

05

شال:داں مرگ شُدکشیں زھرشانی ءَ نشتگیں مردمانی جاور ناگیگ بیان اَنت

شال:بی ایم سی ءِ جیڑھانی گیش ءُ گیوار کنگ ءَ داں مرگ شُدکشیں زھرشانی ءَ نشتگیں مردمانی جاور ناگیگ بیان اَنت۔نودربر ءُ دگہ زھرشانی کنوکیں مردمانی جاور ناگیگ بیگ ءِ انگیز ءَ نادراھجاہ ءَ برگ بیتگ اَنت۔دو روچ ءَ دو داں مرگ شُدکشیں زھرشانی ءَ نشتگیں ڈاکٹر تارک، بی ایس او ءِ بالاچ کادر ءُ آدگرانی جاور ناگیگ بیتگ اَنت،پہ درمان کنگ ءَ سرکاری نادراھجاہ ءَ برگ بیتگ اَنت۔
بلوچ وانندہ گل ءِ نمرہ ءَ ماں رسانکدر ءَ تران کنان ءَ گْوشتگ:زھرشانی کنوکانی جاور ناگیگ بیان اَنت وھدے کہ سرمارا ایمبولنس ءِ دیگ ءَ ھم آمادہ نہ اِنت۔
آئی ءَ گْوشتگ دو روچ گْوزگ ءَ پد ھم وتگڑیں سرکاری ءِ واکدار زھرشانی کنوکانی کِر ءَ نیاتکگ اَنت۔
بی ایس او ءِ نذیر ءَ گْوشتگ:اگاں زھرشانی کنوکاں چیزے بہ بیت گڑا ایشی زمہ وار سرکار ءُ وتگڑیں مزن وزیر جام کما ءَ ایپ آئی آر کنیں۔
بی ایم سی ءِ جاورانی گیش ءُ گیوار کنگ ءِ نیمگ ءَ دو روچ پیش شال ءَ زھرشانی کنگ بیتگ اَت۔زھرشانی کنوک ریڈ زون ءَ دارگ بیتگ اِتاں۔آھاں گورنرکت ءِ کش ءَ چاراہ ءَ نندانک داتگ اَت۔
پنچ شمبے ءِ روچ ءَ وتگڑیں وزیر اسد،ابدالرؤپ رند ءُ نور اھمد بنگلزھی ءَ ھوار سرکاری رُمبے زھرشانی کنوکیں سروکانی گوم ءَ گند ءُ نند ءُ گپ ءُ تران کُرتگ اَت کہ بےسوب بیتگ اَت۔ایشی ءَ پد زھرشانی کنوکاں داں مرگ شُدکشیں زھرشانی ءِ جار جتگ اَت۔