ریڈیو زْرمبش بلوچی | ریڈیو زْرمبش بلوچی

شال:منی زھگ الی اکبر پاکستانی چیریں تْرامگیجانی کارمنداں بیگواہ کُرتگ_ولی مھمد مینگل

شال:منی زھگ الی اکبر پاکستانی چیریں تْرامگیجانی کارمنداں بیگواہ کُرتگ_ولی مھمد مینگل

JUL

03
03 / 07 / 2021 بیگواہ 22

شال ءَ پاکستانی لشکر ءُ چیریں تْرامگیجانی دست ءَ بیگواہ بیتگیں الی اکبر مینگل ءِ پِت ولی مھمد مینگل ءَ گْوشتگ کہ منی زھگ چہ گس ءَ درکپتگ کمے چہ گساں گستاہ بیتگ کہ بے نمبریں گاڑی سواراں پہ زور گوں وت سوار کُرتگ ءُ بُرتگ کہ ھما اِنت پد ءَ آئی ءِ ھچ ھال ءُ گْواہ نیست۔ ولی مھمد مینگل ءَ اے گپ بےگواھیں بلوچانی توار ءِ گدان ءَ وتی زھرشانی ءِ یاداشت کنگ ءِ میان ءَ کُرتگ اَنت۔ ولی مھمد ءَ گْوشتگ کہ منی زھگ 28 جون 2021 ءَ چہ سریاب دگ موسا کالونی ءَ چہ وتی گِس ءَ درکپتگ کہ بیگواہ کنگ بیتگ ھما اِنت بیگواہ اِنت۔آئی گْوشتگ کہ منی زھگ ءَ دو موبائل گون بیتگ کہ دوئیں بند اَنت۔ آئی گْوشتگ کہ آ روچ ءَ چہ پد ما تانہ ءَ ھم شُتگاں ءُ چہ وتی نیمگ ءَ ھم جُھد کُرتگ اے میان ءَ چہ موسا کالونی ءِ شھدگ ءَ کارکنوکیں مُزوراں ما سرپد بیتگیں کہ ھمے جاہ ءَ یک بےنمبریں دو گاڑیاں سوار بیتگیں پاکستانی لشکر ءِ کارمند ءُ سادہ پوشاکیں مردماں یک مردمے ءِ چم بستگ اَنت ءُ گاڑی ءِ تہ ءَ چگل داتگ ءُ گوں وت بُرتگ۔ ولی مھمد مینگل ءَ گْوشتگ کہ منی زھگ نودربرے ءُ ما نیزگاریں مردمیں منی زھگ ءَ چہ پاکستان ءِ چیریں تْرامگیجانی دست ءَ آجو بہ کنائین اِت۔ بنشون:دمگی اھوالکار/اکس:دامگی اھوالکار