ریڈیو زْرمبش بلوچی | ریڈیو زْرمبش بلوچی

پنجگور/شال/کلات،ھزدار:جتائیں جتائیں تیرگْواری وئیلاں سے مردم بیران ءُ چار ٹپی بیتگ

پنجگور/شال/کلات،ھزدار:جتائیں جتائیں تیرگْواری وئیلاں سے مردم بیران ءُ چار ٹپی بیتگ

JUL

20

پنجگور:سلاہ بند ءُ پولیس ءِ میان ءَ تیرگْواری وئیلے ءَ دو پولیس کارمند ٹپی بیتگ۔ پولیس بنشون ءِ رد ءَ پنجگور تسپ ءَ سلاہ بندیں ءُ پولیس ءِ میان ءَ تیرگْواری ءَ دو پولیس کارمند انام اللہ ءُ جمیل اھمد ٹپی بیتگ اَنت،پولیس ءِ رد ءَ سلاہ بندانی یک مردمے ھم ٹپی بیتگ کہ آیاں وتی ٹپی گوں وت بُرتگ۔پولیس ءَ وتی ٹپی بیتگیں پہ درمان کنگ ءَ نادراھجاہ ءَ برتگ اَنت۔ شال: کیچی بیگ ءَ پجار نہ بیتگیں سلاہ بندیں مردماں گاڑی یے ءِ سر ءَ تیرگواری کرتگ، یک مردمے بیران ءُ یکے ٹپی بیتگ۔ بنشون ءِ رد ءَ بیران بیتگیں مردم کازی اسھاک ء مھمد اُزمان جھمنند مَچ ءُ زدگ بیتگیں الاؤ الدین ء کادر جھمنند مَچ ءِ نام ءَ زانگ بیتگ اَنت۔ بیران ءُ زدگ بیتگیں نادراھجاہ ءَ برگ بیتگ ءُ لاش چار ءُ ٹپاس کنگ ءَ پد کھول ءِ دست ءَ دیگ بیتگ۔ کلات ءَ تیرگْواری وئیلے ءَ یل لیویز کارمندے بیران بیتگ۔ ھزدار ءَ سلاہ بندیں مردمانی تیرگْواری ءَ ابدل رھمان نامیں مردمے بیران بیتگ،سوراب ءِ جھمنندے۔ بنشون: پولیس/دمگی اھوالکار/ اکس: زْرمبش