ریڈیو زْرمبش بلوچی | ریڈیو زْرمبش بلوچی

ھب:کلپیں میڑ ءَ کشگ بیتگیں مردمانی پجار ھیات ءُ رزا مھمد باجو بیتگیں سرمچار بیتگ اَنت

ھب:کلپیں میڑ ءَ کشگ بیتگیں مردمانی پجار ھیات ءُ رزا مھمد باجو بیتگیں سرمچار بیتگ اَنت

NOV

10
10 / 11 / 2021 کلپیں میڑ 139

ھب:سَے شمبے ءِ روچ ءَ سی ٹی ڈی ءَ روچ ءَ کشگ بیتگیں مردمانی پجار رزا مھمد (رزو) ء واھد بکش ءُ ھیات ء نسیب پیراندر آواران ءِ جھمنند اَنت۔دوئیں بی ایل ایپ ءِ باجو بیتگیں سرمچار بیتگ اَنت کہ باجو بیگ ءَ دہ روچ پد پاکستانی لشکر ءِ چیریں تْرامگیج (ایم آئی) ءِ کارمنداں ھب ءَ آیانی گس ءَ بیڑ بُرتگ ءُ کساس یک ماھے ءِ بیگواہ کنگ ءَ پد کلپیں میڑ ءِ نام ءَ کُشتگ ءُ لاش لسبیلہ ءِ ھسن پیر ساکران ھب ءَ سسی پُنو ءِ کوہ ءَ چگل دیگ ءَ پد سی ٹی ڈی ءِ بلوچستان ءِ جارکش ءَ بی ایل ایپ ءِ سرمچار پدر کُرتگ ءُ کلپیں میڑ ءِ ٹاپار جتگ۔ دوئیں دو ماہ ءَ پیش باجو بیتگ اَنت۔اے کشندہ ٹولی ءِ سروک گپور میروانی ء ابدل ھکیم میروانی ءَ پاکستانی لشکر ءِ دیم ءَ پیش کُرتگ اِت اَنت ءُ ایشانی باجو بیگ ءِ وھد ءَ وش اتک ءَ وت اتکگ۔ ھیات ء نسیب ءِ بابت ءَ گْوش اَنت کہ آئی ءِ یک براتے شھید ولی جان آجوئی ءِ جُھد ءَ شھید بیتگ۔ دوئیں کشگ بیتگیں مردمانی کشگ ءِ سْوب انگت زانگ بیگ ءَ نہ اِنت ایشی ءَ پیش پاکستانی لشکر ءَ باجو بیتگیں سرمچار ءُ کشندہ ٹولی ءِ کارمند کُشتگ ءُ بیگواہ کُرتگ اَنت۔ بنشون: اھوالکار | اکس: اھوالکار