ریڈیو زْرمبش بلوچی | ریڈیو زْرمبش بلوچی,نسیر-چراگ

ما ودار ءَ ایں | لچہ: نسیر چراگ

ما ودار ءَ ایں | لچہ: نسیر چراگ

OCT

03
03 / 10 / 2020 نبشتانک 151

 


( بیگواھیں شبیر ءِ یات ءَ )


روچ ءُ ماہ گْوستگ اَنت
ماہ ءُ سال ھم شت اَنت
بیتگ چار سال ترا
دم نہ برتگ بلے
ما ودار ءَ اِیں تئی
جمبر کا ینت رو اَنت
مولُمانی وڑ ءَ
سبز اِتگ ڈیھ پد ءَ
سرمگیں بیگاھاں
کوش کش اِیت مدام
گیر کائے من ءَ
بہ یا کہ پہ تو من ءَ
نوکیں کارے دل ءَ
نند اِیں دیوان بہ ایں
من تو ھمزان بہ ایں
کند ایں سیر ءَ وتی
ریچ اِنت زنگاں دل ءِ
گپے ءَ سرپد ئے
دْرست بدل بوتگ اَنت
میتگ ءُ کِشک ءُ راہ
لوگ بدل بوتگ اَنت
کَس ، کسی ھال ءَ نہ گیت
پندلانی لَڑے ءَ مل اتگ
دوست ءُ سنگت گوں وت ءَ
زھر ءُ کھر اَنت پد ءَ
بھر ءُ بانگ بیتگ اَنت
مچکدگ ستکک اَنت
کسے سد ءَ نہ اِنت
ھر کس دیم پہ وت اِنت
تو نہ اَتک ئے بلے
ما ودار ءَ اِیں تئی
سیما گوں زرگل ءَ
دگ پہ ارس شتگ اَنت
دیم پہ دیم اَنت مدام
گوں بداں سوگھیں
گوں بداں سوگھیں


نسیر چراگ