ریڈیو زْرمبش بلوچی | ریڈیو زْرمبش بلوچی

ھب ءِ جھمنند نازیہ گْوشتگ کہ منی برات ھب پولیس ءَ دزگیر کنگ ءَ پد چیریں تْرامگیجانی دست ءَ داتگ

ھب ءِ جھمنند نازیہ گْوشتگ کہ منی برات ھب پولیس ءَ دزگیر کنگ ءَ پد چیریں تْرامگیجانی دست ءَ داتگ

NOV

29
29 / 11 / 2021 بیگواہ 81

ھمے ماہ ءِ 23 ءِ نومبر ءَ چہ ھب ءَ گڈانی دوراھی ءِ نزیک ءَ پی ایس او پٹرول پمپ ءَ آوار جنگ ءَ پد بیگواہ کنگ بیتگیں آمِر ءِ گھار نازیہ گْوشتگ کہ منی برات ھب پولیس ءَ دزگیر کنگ ءَ پد چیریں تْرامگیجانی دست ءَ داتگ۔ نازیہ ءَ شال ءَ پریس کلب ءِ دیم ءَ پہ بیگواھیں مردمانی پدجنگ ءَ برجاھیں شُدکشیں زھرشانی گدان ءَ اتکگ ءُ وتی برات ءِ برگ ءِ ڈس ءُ نشان بیگواھیں بلوچانی توار ءِ گل ءَ داتگ اَنت۔ بیگواھیں آمِر ءِ گھار نازیہ ءَ گْوشتگ کہ منی برات ٹی بی ءِ نادراھے آزارجاھاں ما پہ آئی ءَ پگر مندیں۔نازیہ ءَ چہ مردمی اگبالانی گل ءُ چہ بلوچستان ءِ وتگڑیں سرکار ءَ دزبندی کُرتگ کہ آ آمِر ءِ دیم ءَ آرگ ءَ وتی کِرد ءَ پیلو بہ کن اَنت۔ بنشون:دمگی اھوالکار /اکس:دمگی اھوالکار