ریڈیو زْرمبش بلوچی | ریڈیو زْرمبش بلوچی

پنجگور: گچک ءَ پاکستانی لشکر ءِ لشکر کشی برجاہ اِنت،لشکر ءَ بازین مردمے آوار جتگ

پنجگور: گچک ءَ پاکستانی لشکر ءِ لشکر کشی برجاہ اِنت،لشکر ءَ بازین مردمے آوار جتگ

NOV

22
22 / 11 / 2021 بیگواہ 156

پنجگور: گچک ءِ جتا جتائیں جاھاں پاکستانی لشکر ءَ بازیں مردمے آوار جتگ چہ ایشاں دوازدہ مردم ءِ نام دیم ءَ اتکگ۔ زْرمبش اھوالکار ءِ رد ءَ پاکستانی لشکر ءَ گچک پنجگور ءَ چہ نوزدہ نومبر ءَ لشکرکشی بندات کُرتگ، گچک سیاہ دمب ءَ پاکستانی لشکر ءَ مھم جان ء لال بکش، نواز ء مھم جان، امتیاز ء ھُدا داد ءُ زپر ء نور مھمد آوار جنگ ءَ پد بیگواہ کُرتگ اَنت۔ اھوالکار ءِ رد ءَ گچک کرک ءِ ڈل ءَ ملا اَبدالماک ء ملا ولی مھمد، برکت ء ملا اَبدالمالک، جھانزیب ء ملا اَبدالمالک ءُ گلاب ء ھسین آوار جنگ ءَ پد بیگواہ کُرتگ اَنت۔ ھمے وڑ ءَ گچک سندات ءَ کادر بکش ء واجداد، ھکیم ء کادربکش ءُ الی جان ء مھمد آوار جتگ ءُ گچک لوھڑی ءَ امان اللہ ء اَبدالسمد آوار جنگ ءَ پد بیگواہ کُرتگ اَنت۔ بنشون ءِ رد ءَ پاکستانی لشکر جتا جتائیں جاھانی مردماں گچک کھن بُنجل ءَ لوٹائینگ ءُ بند کنگ ءَ اِنت۔ گچک ءَ لوکل گاڑیانی روگ ءُ آھگ بند کنگ بیتگ، سرجمیں راہ ءُ در پاکستانی لشکر ءَ بستگ اَنت ءُ لشکر کشی کنگ ءَ اِنت۔ بیگواہ کرتگیں مردمانی کچ دو دزن ءَ گیش بیت، آدگہ بیگواھیں مردمانی نامانی پَٹ ءُ پول کنگ برجاہ اِنت۔ بنشون: زْرمبش اھوالکار | اکس: اھوالکار