ریڈیو زْرمبش بلوچی | ریڈیو زْرمبش بلوچی

آواران: پاکستانی لشکر ءِ آزارجاھاں نجیب آجو بیتگ

آواران: پاکستانی لشکر ءِ آزارجاھاں نجیب آجو بیتگ

OCT

05
05 / 10 / 2021 بیگواہ 106

آواران: پاکستانی لشکر ءِ دست ءَ چہ پجگور ءَ بیگواہ بیتگیں نجیب ء جمیل اھمد مرچی آجو بیتگ۔ بنشون ءِ رد ءَ نجیب ء جمیل اھمد 11 اگست ءَ پاکستانی لشکر ءَ چہ پنجگور رکشان کور سرادک ءِ پانگس ءَ دزگیرکنگ ءَ پدبیگواہ کرتگ اَت۔ نجیب دبئیءَ مزوری کنگءَ بیتگ موکلاں اتکگ ملکءَ موکلانی ھلاس بیگءَ پد دبئیءَ روگءَ بیتگ کہ پاکستانی لشکرءَ آوار جتگ ءُ بیگواہ کنگ بیتگ اَت۔مرچیگیں روچءَ آجوبیتگ ءُ وتی گسءَ سربیتگ بلے آئی ءِ پت جمیل اھمد انگت بیگواہ اِنت۔ جمیل اھمد ء رھمت پاکستانی لشکر ءَ 29 اپریل 2013 ءَ چہ آواران ترتیج ءَ آوار جتگ ءُ بیگواہ کرتگ اَت کہ انگت بیگواہ اِنت۔ اسما جمیل ءَ نجیب ءِ آجوئی ءِ گپ راست کرتگ ءُ گوشتگ کہ مھروانیں ھمبلانی نیکیں واھگ ، ھمراھداری کنگ ءِ سوبءَ مرچی منی برات نجیب پہ سلامتی آجو بیتگ۔ من درسیں دوست ءُ رسانکدر ءَ توار چِست کنوکانی گوں دل ءِ جھلانکاں منتواراں، اُمیت کن آں کہ منی پِت گوں درسیں بیگواھیں مردمانی ھواریءَ پہ سلامتی آجو بیت۔


بنشون:اھوالکار/اکس:اسما پیسبک