ریڈیو زْرمبش بلوچی | ریڈیو زْرمبش بلوچی

پیشن:پاکستان ءِ باڑھی کُشندھانی تیرگْواری ءَ بلوچ جھدکار ایوب پنام ناکوشریپ بیران بیتگ

پیشن:پاکستان ءِ باڑھی کُشندھانی تیرگْواری ءَ بلوچ جھدکار ایوب پنام ناکوشریپ بیران بیتگ

JUN

26

پیشن:آدینگ ءِ روچ ءَ پاکستان ءِ باڑھی کُشندھانی تیرگْورای ءَ روکپتی بلوچستان ءِ شھر پیشن ءَ یک بلوچ جھدکارے شھید بیتگ ءُ آئی ءِ ھمراھی ءَ یک جنینے ٹپی بیتگ۔ بیران بیتگیں مردم ءِ پجار ایوب پنام ناکو شریپ ءِ نام ءَ بیتگ۔آدینگ ءِ روچ ءَ چہ وتی گِس ءَ گوں دگہ سیادے ءِ زھگ ءُ جنیناں پیشن ءِ بازار ءِ نیمگ ءَ روگ ءَ بیتگ کہ پٹرول پمپ ءِ نزیک ءَ سلاہ بندیں گاڑی سواراں نشانگ کُرتگ۔ٹپی بیتگیں جاوراں نادراھجاہ ءِ برگ ءَ بیتگ اَنت کہ دردے نہ سگ اِتگ اَنت ءُ بیران بیتگ۔ ایوب ملانٹ تُمپ ءِ جھمنندے بیتگ ءُ پاکستانی لشکر ءِ مدامی ئیں بیڑ ءُ گسانی سر ءَ اُرشاں بیزار بیتگ ءُ لڈّ ءُ بارے کُرتگ ءُ روکپتی بلوچستان ءَ شُتگ۔آئی ءِ یک کستریں براتے پیزمھمد پاکستانی لشکر ءَ آوار جنگ ءَ پد بیگواہ کُرتگ۔ اوگانستان ءُ روکپتی بلوچستان ءَ بلوچ جُھدکارانی نشانگ کنگ ءُ کُشگ ءِ پاکستانی لشکر ءِ شونداتانی بھر اِنت پہ ایشی ءَ آ وتی باڑھی کُشندھاں کارمرد کنگ ءَ اِنت۔بنشون ءِ رد ءَ اوگانستان ءَ اے کاراں لشکر تیبہ کنگ ءَ اِنت وھدے کہ روکپتی بلوچستان ءَ سلکاریں مردماں ھوار مزھبی مردم کارمرد کنگ بیگ ءَ اَنت۔ بنشون: *دمگی اھوالکار* | اکس: *دمگی اھوالکار*