ریڈیو زْرمبش بلوچی | ریڈیو زْرمبش بلوچی

یوکرین ءِ نزیک ءَ پولینڈ ءِ سیمسری دمگ ءَ میزائل اُرشے ءَ دو مردم مُرتگ

یوکرین ءِ نزیک ءَ پولینڈ ءِ سیمسری دمگ ءَ میزائل اُرشے ءَ دو مردم مُرتگ

NOV

16
16 / 11 / 2022 جھان 64

یوکرین ءِ نزیک ءَ پولینڈ ءِ سیمسری دمگ ءَ میزائلے کپتگ،چہ ایشی ءَ دو مردم مُرتگ۔ ردی رسانکدر ءِ رد ءَ پولینڈ ءَ ھوار سرجمیں یورپ ءَ بےچینی یے ودی بیتگ۔ پولینڈ ءِ سرکار ءَ روس ءِ سر ءَ میزائل اُرش ءِ بھتام جتگ بلے روس ءَ پولینڈ سرکار ءِ گپ رد کرتگ ءُ گوشتگ کہ چہ روس ءِ نیمگ ءَ پولینڈ ءِ سر ءَ ھچ وڑیں میزائل آس دیگ نہ بیتگ۔ جھانی رسانکدر ءِ رد ءَ اے میزائل یوکرین ءِ نیمگ ءَ آس دیگ بیتگ۔ دومی نیمگ ءَ امریکی مھتر جوبائیڈن ءَ انڈونیشیا ءِ شھر بالی ءَ جی 20 ءِ مراگش ءِ وھد ءَ گوں اھوالکاراں تران کرتگ ءُ گوشتگ کہ اے گپ ءِ تہ ءَ راستی کم اِنت کہ اے میزائل روس ءِ نیمگ ءَ آس دیگ بہ بیت۔ آئی ءَ گوشتگ کہ اے نوکیں اُرش گیش تُرسناک اِنت، الّم پولینڈ ءَ تراک ءِ باروا پَٹ ءُ پول کنگ لوٹ ایت ما ایشی ءِ پلّہ مرزی ءَ کن ایں۔ بنشون: جھانی رسانکدر | اکس: دامگ