ریڈیو زْرمبش بلوچی | ریڈیو زْرمبش بلوچی

کراچی: بیگواھیں بلوچانی توار ( وی بی ایم پی ) ءِ نیمگ ءَ پہ زور بیگواھیں مردم ءُ شھیداں برجاھیں زھرشانی گدان ءَ 4934 روچ سرجم بیتگ۔ آدینگ ءِ روچ ءَ چہ کراچی ءَ جماھت اسلامی ءِ امیر اُسامہ ءُ یوتھ ونگ ءِ کارکشاد اسماھیل ءُ آدگہ مردم پہ ھمدردی درشان کنگ ءَ گدان ءَ آتکگ اَنت۔ وی بی ایم پی ءِ کمک سرکماش ماماکدیر گوں مردماں تران کرتگ ءُ گوشتگ کہ مرچی بلوچ ورنایاں گوں ھمت ءَ زانت ءُ سرپدی ءِ بنیات ءَ وتی جھد برجاہ داشتگ۔ آ راھانی سر ءِ دور داتگیں کنٹگانی آزاراں اوپار کنگ ءُ پہ گرانبھائیں مول ءَ سوبین جنزگ ءَ اَنت۔ آئی ءَ گوشتگ کہ پہ بلوچ ورنایانی پُرایمنیں جھد ءِ دارگ ءَ ریاست درسیں زوراکیاں چکاسگ ءَ اِنت، پہ آیانی تُرس آماچ کنگ ءَ جھد ءَ اِنت بلے آیانی پُرایمنیں جھد انگت ءَ برجاہ برجاہ اِنت۔ ماما کدیر گوشتگ کہ بلوچستان ءَ یک رندے پد ءَ ژانگولیں جونانی کپگ گوں ترندی ءَ برجاہ اِنت۔ اگاں پاکستان پہ مردمی اگبالانی لپاشگ ءَ جُست گرگ نہ بوت گڑا بلوچستان ءَ پہ مردمگری ءَ تباھی یے ودی بیت۔ بنشون: درشان |اکس: ماما کدیر