ریڈیو زْرمبش بلوچی | ریڈیو زْرمبش بلوچی

مئے پُر ایمنیں جھد پہ بلوچ پسگانی آجوئی ءَ داں گُڈی وھد ءُ گُڈی بیگواھیں مردم ءَ برجاہ بیت۔ ماما کدیر

مئے پُر ایمنیں جھد پہ بلوچ پسگانی آجوئی ءَ داں گُڈی وھد ءُ گُڈی بیگواھیں مردم ءَ برجاہ بیت۔ ماما کدیر

OCT

21
21 / 10 / 2022 وی بی ایم پی  ,  ھکپان 73

شال: بیگواھیں بلوچانی توار ( وی بی ایم پی ) ءِ نیمگ ءَ پہ زورانسری بیگواھیں مردم ءُ شھیداں برجاھیں زھرشانی گدان ءَ 4797 روچ سرجم بیتگ۔ آدینگ ءِ روچ ءَ بی ایس او ءِ بنجاھی سروک نزیر، بالاچ کادر، سمَنْد ءُ جنیناں ھوار آدگہ مردم پہ ھمدردی درشان کنگ ءَ گدان ءَ آتکگ اَنت۔ وی بی ایم پی ءِ کمک سرکماش ماماکدیر گوں مردماں تران کرتگ ءُ گوشتگ کہ ما داں ھما وھد ءَ وتی جھد ءَ سوبین بوت نہ کن ایں دانکہ ما یکے دومی ءِ سر ءِ بیسہ مکن ایں۔ مارا وتی تہ ءَ بیسہ ودی کنگی اِنت۔ سْیاسی سروکے ءَ وتی لّس مردمانی سر ءَ سدک بیگی اِنت۔ مارا چہ دری توانمنداں اَبید وتی زور ءِ سر ءَ ایمان آرگ لوٹ ایت۔ ماما کدیر گوشتگ کہ مئے پُر ایمنیں جھد پہ بلوچ پسگانی آجوئی ءَ داں گُڈی وھد ءُ گُڈی بیگواھیں مردم ءَ برجاہ بیت۔ پہ بلوچ وتن ءِ پھازداری، راجی پدریچ ءُ اگبالاں مرچی ھم اے سرڈگار ءِ کماش وتی ورنائیں بچانی جوناں گوپگ دیگ ءَ اَنت۔ ریاست ءِ زوراکی بلوچ راج ءِ یک پدریچے پہ گھگیری ءَ رودینگ ءَ اِنت۔ بلوچ ورنا وتی راج ءِ مانزمان ءُ پھازدار اَنت آیانی کوپگاں بلاھیں زمہ واری یے ھست کہ آ وتی جھد ءَ لیکہ ءِ بنیات ءَ وتی سْیادیاں مھکم بہ کن اَنت ءُ وتی اے جھد ءَ دیم ءَ بہ بر اَنت۔ ماما کدیر گوشتگ کہ ریاست ءَ وتی زوراکیانی تہ ءَ تیزی آورتگ آ پنجاپ ءِ سدانی کچَ ءَ دست کپتگیں ژانگولیں جون نہ بنت یا زورگریں لشکر سی ٹی ڈی ءِ دروگیں میڑاں زورانسری بیگواھیں مردمانی درکانودی کوش بہ بیت، بلوچ سر ڈگار گوں ھوناں رنگیں کنگ بیگ ءَ اِنت۔ دومی نیمگ ءَ بلوچ ءِ پدریچ ءَ گوں گوژن ءَ جنگ ءَ اِنت، پہ بلوچ راج ءَ اَبید ء گھگیری کنگ ءُ جھد ءَ دگہ ھچ راہ پشت نہ کپتگ۔ بنشون: درشان | اکس: ماما کدیر