ریڈیو زْرمبش بلوچی | ریڈیو زْرمبش بلوچی

دانکہ ادارہ زورانسری بیگواھی ءِ زمہ وارلیکگ نہ بیتگ اَنت، کمیشن ءَ ھچ بستار نیست۔ وی بی ایم پی

دانکہ ادارہ زورانسری بیگواھی ءِ زمہ وارلیکگ نہ بیتگ اَنت، کمیشن ءَ ھچ بستار نیست۔ وی بی ایم پی

SEP

16
16 / 09 / 2022 وی بی ایم پی 64

شال: بیگواھیں بلوچانی توار ( وی بی ایم پی ) ءِ جارکش ءَ وتی شنگ کرتگیں درشان ءَ گوشتگ کہ انوگیں سرکار ءِ مردمی اگبالانی وزیر ءِ گوشگ بیتگ کہ آرمی چیپ ءَ پارلیمنٹ ءِ آیانی کیمرہ سیشن ءَ گوشتگ کہ ملکی ادارہ زورانسری بیگواھی ءَ ھوار نہ اَنت۔ اے درشان سرکار ءُ بیگواھیں مردمانی باروا برجاہ داشتگیں جھلی پتر ءِ کرد ءَ شکی کنت۔ آئی ءَ گوشتگ کہ اگاں بہ چارے بیگواھیں مردمانی پتر ءِ کِرا آیانی پکائیں شاھد ھست اَنت کہ کمیشن ءَ ھمے بیگواھیں مردمانی بابت ءَ پرمان داتگ اَت ءُ مزن آمیدگس ءَ ھمے بیگواھیں مردمانی پَٹ ءُ پول کرتگ اَت، ھمے گپ پدر بیتگ کہ اے ملکی ادارھاں زورانسری بیگواہ کرتگ اَنت۔ مزن آمیدگس ءَ آیانی آجوئی ءِ پرمان داتگ اَت۔ جارکش ءَ گوشتگ کہ دانکہ ادارہ زورانسری بیگواھیانی زمہ وار نہ لیکگ نہ بیتگ اَنت، اے برجاھیں پتر ءَ اکوام متھدہ ءِ ورکنگ گروپ ءِ پہ زورانسری بیگواھی ءَ جوڑ کرتگیں ھما 2017 ءَ پاکستان سرکار ءَ دیگ بیتگ اَت آئی سر ءَ دلگوش گور کنگ نہ بیت پتر ءَ ھچ بستار نیست۔ بنشون: درشان | اکس: دامگ