ریڈیو زْرمبش بلوچی | ریڈیو زْرمبش بلوچی,Balochistan,BalochMissingPersons,VBMP,Baloch

بیگواھیں بلوچانی توار ءِ شُدکشیں زھرشانی گدان ءَ 4027روچ سرجم بیتگ

بیگواھیں بلوچانی توار ءِ شُدکشیں زھرشانی گدان ءَ 4027روچ سرجم بیتگ

AUG

04
04 / 08 / 2020 بیگواہ 70

شال:بیگواھیں بلوچانی توار ءِ شُدکشیں زھرشانی گدان ءَ 4027روچ سرجم بیتگ


شال: پریس کلب ءِ دیم ءَ بیگواھیں بلوچانی توار ءِ برجاھیں شُدکشیں زھرشانی گدان ءَ 4027 روچ سرجم بیتگ۔ نیشنل ڈیموکریٹک پارٹی ءِ بجاھی کمک سرکماش شاہ زیب،بنجاھی پتر ءِ باسک سنا ءَ گدان ءَ گندک کُرتگ ءُ گوں بیگواھیں مردمانی کھولاں ھمدردی درشان کُرتگ۔اےدرگت ءَ بیگواھیں بلوچانی توار ءِ کمک سرکماش ماماکدیر ءَ تران کنان ءَ گْوشتگ:مرچی پُر ایمنیں جُھد چہ بازیں جیڑہ ءُ جنجالاں ابید جھان ءَ آشکار بیتگ،اے شھیدانی ھون،بیگواھیں مردمانی کھول ءُ بلوچ راج ءِ پُرایمنیں جُھد ءِ برورد اِنت۔


آئی ءَ گْوشتگ:نی اے جُست ودی بیت کہ ایشی ءَ گیشاں چہ گیش گھتر،مھکم ءُ ترامگیجی دروشمے دیگ بہ بیت داں سیاسی ایمنیں جُھد پہ بیگواھیں مردمانی درگیجگ ءَ جوانیں کردے پیلو بہ کنت۔
ماما کدیر ءَ گْوشتگ:مردم یا ترامگیج وتی ردیانی گھتری ءُ وھد ءُ جاورانی ھمراھی ءُ زمینی سیادی ءُ دورچاری ءِ ھمراھی ءَ مھکم کن اَنت۔ھاس پُرایمن جُھد وھد،جاور ءُ وئیل مدام وانگ ءُ دربرگ ءِ کار ءَ کن اَنت۔