ریڈیو زْرمبش بلوچی | ریڈیو زْرمبش بلوچی

بلوچ ھم سنتیں لشکر ( یو بی اے ) ءِ جارکش مزار ءَ ماں رسانکدر ءَ وتی شنگ کرتگیں درشانے ءَ گوشتگ کہ مئے سرمچاراں مرچی ھزدار ءِ ھند وڈ ءِ بازار ءَ مسیت دگ ءَ برجاھیں ایپ سی ءِ پیشیگیں پانگس گوں دستی بمب ءَ نشانگ کرتگ، چہ اُرش ءِ آسر ءَ سی ٹی ڈی ءِ باز کارمند ٹپی بیتگ۔ آئی ءَ گوشتگ کہ وڈ ءَ انوں چہ سرمچارانی نیمگ ءَ اُرشاں پد ایپ سی ءَ اے پانگس ءَ سی ٹی ڈی ءِ کارمند آوارتگ اَنت کہ آ بے نیمون ءَ لّس مردماں پہ پٹ ءُ پول ءِ نام ءَ تنگ کنگ ءَ اَنت۔ جارکش ءَ دیمتر ءَ گوشتگ کہ اے اُرش پہ سی ٹی ڈی ءَ کڈنے کہ آ لّس مردمانی تنگ کنگ ءَ یل بہ کنت اگاں نہ آیان ءَ ترندیں پسوّ دے ایں ءُ گیشتر گوں ترندی ءَ اُرش کن ایں۔ یو بی اے ءِ جارکش مزار ءَ وتی درشان ءِ گُڈی ءَ گوشتگ کہ مئے اُرش داں بلوچستان ءِ آجوئی ءَ برجاہ بنت۔ بنشون: درشان | اکس: زْرمبش