ریڈیو زْرمبش بلوچی | ریڈیو زْرمبش بلوچی

تربت: سنگ آباد ، تجابان ءَ ازیم ء ھسین ءِ کوش ءِ زمہ واری یو بی اے ءَ منّ اِتگ

تربت: سنگ آباد ، تجابان ءَ ازیم ء ھسین ءِ کوش ءِ زمہ واری یو بی اے ءَ منّ اِتگ

AUG

11
11 / 08 / 2021 نبشتانک 85

تربت:بلوچ ھم سنتیں لشکر ءِ جارکش مرید ءَ چہ پجار نہ بیتگیں جاھے ءَ وتی شنگ کُرتگیں درشانی ءَ گْوشتگ کہ گْوستگیں شپ ءَ سرمچاراں کیچ ءِ شھر تجابان سنگ آباد ءَ استان ءِ کمکار ازیم ء ھسین نشانگ کُرتگ ءُ کُشتگ،اے اُرش ءِ زمہ واری ءَ یو بی اے منّ ایت۔ ازیم کشندہ ٹولی دیدگ گچکی ءُ سئید لانٹو ءِ سروکی ءَ دمگ ءَ مردماں دلسیاہ کنگ ءُ آیانی زمیناں پہ زور دستیگ کنگ ءُ لس بلوچانی کُشتگ ءُ بیھار دیگ ءَ ھوار بیتگ۔یک زمینی جیڑھے ءَ ازیم یک جنینے ٹکٹر ءِ سر ءَ لگت داتگ ءُ ٹپی کُرتگ۔پاکستان ءِ کشندہ ٹولی دیدگ گچکی ءِ سروکی ءَ یک پترے جوڑ کُرتگ ءُ نیزگاریں مردمانی زمین پہ زور دستیگ کُرتگ ءُ وتی نام ءَ کُرتگ اَنت۔ جارکش ءَ گْوشتگ کہ مئے گل چوشیں مردم ءُ استان ءِ کمکاراں ھچبر پھل نہ کنے کہ آ مئے نیزگاریں بلوچ راج ءَ دلسیاہ بہ کنت،آیانی زمینانی دستیگ کنگ ءُ استان ءِ سروکی ءَ بلوچ راج ءِ سر ءَ زوراکی کنگ ءِ موکل ءَ ھچبر نہ دئیں۔ بنشون: درشان | اکس: زرمبش