ریڈیو زْرمبش بلوچی | ریڈیو زْرمبش بلوچی

تربت: ھپتگے ءَ پیش چہ زورگریں پاکستانی لشکر ءِ دست ءَ بیگواھیں ورنا یے آجو بیتگ اھوالکار ءِ رد ءَ آجو بیتگیں ورنا ءِ نام شبیر ء بشیر اھمد اِنت کہ آ تربت آسکانی ءِ جھمنند اِنت۔ 23 مئی ءِ شپ ءِ ادار دو ءَ پاکستانی لشکر ءُ چیریں ادارھانی کارمنداں تربت آسکانی ءَ آئی ءِ جند ءِ گِس ءَ بیڑ برتگ آوار جتگ ءُ بیگواہ کرتگ۔ بنشون ءِ رد ءَ شبیر ءِ زوریں بیگواھی ءِ بگیری ءَ آئی ءِ کھول ءَ تربت سول سوسائٹی ءِ سروک گلزار دوست ءِ ھمراھی ءَ تربت پریس کلب ءَ پریس کانپریس ھم کرتگ اَت۔ شبیر اھمد ھپتگے ءِ زور بیگواھی ءَ پد مرچی آجو بیتگ ءُ وتی گِس ءَ سر اِنت۔ آجو بیتگیں ورنا شبیر اھمد ءِ کھول ءَ آئی آجوئی ءِ گپ راست کرتگ ءُ گوشتگ کہ ما درسیں مردمانی سول سوسائٹی، اھوالکار ءُ مردمی اگبالانی کارکنانی منتوار ایں کہ آیاں اے گرانیں وھد ءَ مئے گون ءَ کمک کرتگ ءُ پہ شبیر اھمد ءِ سلامتی آجوئی ءَ توار چست کرتگ۔ بنشون: اھوالکار | اکس: اھوالکار