ریڈیو زْرمبش بلوچی | ریڈیو زْرمبش بلوچی

تربت: دوشمبے ءِ روچ ءَ تربت زانشتجاہ ءِ نودربراں راجی مزنشانیں شائر مبارک کازی ءِ یات ءَ بے تواریں روانکے کش اِتگ نودربر ءُ استاداں بازیں کچے ءَ بھر زرتگ۔

روانک ءَ ھواریں نودربراں مبارک کازی ءِ اکس ءُ پلے کارڈ دستاں بیتگ اَنت کہ پلے کارڈانی سر ءَ مبارک کازی ءِ شئیر نبشتہ بیتگ اَنت ءُ نودربراں راجی مزنشانیں شائر ستک شانی ندر کرتگ۔ ھمے وڑ ءَ مرچی مزنشانیں شائر مبارک ءِ جند ءِ شھر ءَ پسنی ءَ مردماں مبارک کازی ءِ نمیرانی ءِ سیمی روچ ءِ درگت ءَ مزنیں کچے ءَ آئی ءِ گُڈی وابجاہ ءَ شتگ اَنت ءُ دواہ لوٹ اِتگ۔

پہ مبارک کازی ءِ مانش ءِ روگ ءِ روانک ءَ بلوچی زبان ءِ شائرانی ھواری ءَ بلوچ لبزانکار ڈاکٹر ھنیپ شریپ ءِ مات نسیمہ ھم گوں بیتگ ءُ آدگہ مردماں بازیں کچے ءَ بھر زرتگ۔ مردمان ءَ مبارک کازی ءِ اکس ھم دستاں بیتگ۔

بنشون: اھوالکار | اکس: اھوالکار