ریڈیو زْرمبش بلوچی | ریڈیو زْرمبش بلوچی

تُمپ:گومازی ءَ پاکستانی لشکر ءِ دست ءَ آوار جنگ بیتگیں مردمانی تہ ءَ سَے کس یل کنگ بیتگ

تُمپ:گومازی ءَ پاکستانی لشکر ءِ دست ءَ آوار جنگ بیتگیں مردمانی تہ ءَ سَے کس یل کنگ بیتگ

JUL

26

کیچ ءِ ھند تُمپ گومازی شنکن ءُ چیریں بازار ءَ 23 ءُ 24 جولائی ءِ میانی شپ ءَ لشکرکشی ءِ میان ءَ شش ورنا آوار جتگ اَت۔ایشانی تہ ءَ سَے ورنا مرچی یل کنگ بیتگ ءُ وتی گساں سر بیتگ اَنت آدگہ سئیں ورنا انگت بیگواہ اَنت۔ زْرمبش اھوالکار ءِ رد ءَ 23 ءُ 24 جولائی ءِ میانی شپ ءَ پاکستانی لشکر ءَ لشکر کشی ءِ میان ءَ شش ورنا آوار جتگ ءُ بیگواہ کُرتگ اَت،ایشانی تہ ءَ سَے ورنا کِپا ء سیٹ الی،مکبول ء ابراھیم ءُ یاسر ءِ گپور مرچی چہ پاکستانی لشکر ءِ آزارجاھاں آجو بیتگ ءُ وتی گساں سر بیتگ اَنت۔آدگہ سئیں ورنا وارس ء ھسین،زمیر ءِ ھسین ءُ آلِم ء سلام انگت بیگواہ اَنت۔ یات بہ بیت کہ پاکستانی لشکر ءَ گومازی شنکن ءُ چیری باز ءَ بیڑ بُرتگ اَت،زھگ ءُ جنین کمشرپ کُرتگ ءُ گسانی گرانھادیں سامان دُز اِتگ ءُ پشت کپتگیں پروشتگ اِنت،چہ پاکستانی لشکر ءِ رستریں زوراکیاں بی این ایم ءِ باسک بانک کیگد شھید بیتگ۔گْوستگیں روچ ءَ ریڈیو زْرمبش ءَ پاکستانی لشکر ءِ گسانی تہ ءَ سامانانی پْرشت ءُ پروش کُرتگیں یک تامُربندے ءُ لھتیں اکس شنگ کُرتگ اَت۔ بنشون:اھوالکار/اکس:اھوالکار