ریڈیو زْرمبش بلوچی | ریڈیو زْرمبش بلوچی

کرتوم: سوڈان ءَ لشکر ءِ دو ٹولیانی میان ءَ میڑے ءَ سی ءُ چار مردم بیران بیتگ۔ جھانی رسانکدر ءِ رد ءَ سوڈان ءَ ام درمان ءَ لشکر ءِ دو ٹولیانی میان ءَ جنگ برجاہ اِنت۔ میڑ ءِ آسر ءَ زھگانی ھواری ءَ سی ءُ چار مردم بیران بیتگ۔ بیران بیتگیں مردمانی تہ ءَ گیشتر باپار گاڑی واھند ءُ ڈرائیور ھوار اَنت۔ اے مردمانی ناھکیں کوش ءِ بھتام ءَ یکے دومی ءِ سر ءَ جنگ ءَ اِنت۔ یات بہ بہ اِت کہ ھمے سال ءِ پازدہ اپریل ءَ سوڈان ءِ جنرل اَبدُالپتاہ البرھان ءِ سروکی ءَ سرکاری لشکر ءُ مھمد ھمدان دکلو ” ھمیدتی“ ءِ سروکی ءَ نیم لشکری ٹولی ” ریپڈ سپورٹ پورسز“ ءِ میان ءَ میڑے برجاہ بیتگ۔ چہ ایشی ءَ داں انوں دو ھزار ءُ ھشت سد ءَ گیش مردم بیران بیتگ اَنت، بیست ءُ ھشت لک مردم بے گس بیتگ۔ بنشون: جھانی رسانکدر / اکس: دامگ