ریڈیو زْرمبش بلوچی | ریڈیو زْرمبش بلوچی

شال:گْوستگیں 72 اداراں ھپت بیگواھیں مردم چہ پاکستانی لشکر ءِ آزارجاھاں آجو بیتگ

شال:گْوستگیں 72 اداراں ھپت بیگواھیں مردم چہ پاکستانی لشکر ءِ آزارجاھاں آجو بیتگ

JUL

21
21 / 07 / 2021 بیگواہ 68

شال:چہ جتاجتائیں دمگاں گْوستگیں 72 ادارں ھپت مردم چہ پاکستانی لشکر ءِ آزارجاھاں آجو بیتگ،ایشانی تہ ءَ دو انچیں مردم ھم ھوار اِنت کہ چہ بازیں آزاراں یادداشت اِش شُتگ۔ منا جنڈوانی مری ءُ تاؤ جنڈوانی مری نامیں دوئیں مردم پاکستانی لشکر ءَ لشکرکشی ءِ میان ءَ دزگیر کُرتگ ءُ بیگواہ کُرتگ اَنت کہ کاھاں چیز اِش بھا کُرتگ ءُ وتی گزران اِش کُرتگ۔دوئیں بیگواھیں مردم سَے شمبے ءِ روچ ءَ چہ سوئی ءَ یل کنگ بیتگ اَنت۔چہ بازیں زوراکی ءُ دراجیں مُدتے ءَ بند بیگ ءِ سْوب ءَ دوئینانی یادداشت شُتگ ءُ وتی نام جاگہ اِش ھم شمُتگ اَنت،پمشکہ چاگردی رسانکدر ءَ ایشانی اکس شنگ کنگ ءَ پد گڑا پجارگ بیتگ اَنت۔ دو شمبے روچ ءَ سَے سال بیگواہ بیتگیں لتیپ سرکری بگٹی،سَے شمبے روچ ءَ مستونگ سَے سال بیگواہ بیتگیں یاسر ارپات،4 مئی 2019 ءَ چہ ڈیرہ بگٹی بیگواہ کنگ بیتگیں جوانسال ء گھنور بگٹی ،سَے سال ءَ بیگواہ بیتگیں مھمد ملوک ہنام برین بگٹی ءُ 31 مئی 2019 ءَ بیگواہ بیتگیں نودربر الم ماجد ھم چہ پاکستانی لشکر ءِ آزار جاھاں آجو بیتگ ءُ وتی گس ءَ سر بیتگ۔ بنشون: دمگی اھوالکار | اکس: مانیٹرنگ ڈسک