ریڈیو زْرمبش بلوچی | ریڈیو زْرمبش بلوچی

شال: بیگواھیں مزار ھان ءَ 11 سال ءُ نسیب اللہ بادینی ءِ بیگواھی ءَ 7 سال سرجم بیتگ

شال: بیگواھیں مزار ھان ءَ 11 سال ءُ نسیب اللہ بادینی ءِ بیگواھی ءَ 7 سال سرجم بیتگ

JUL

03
03 / 07 / 2021 بیگواہ 27

شال: بیگواھیں مزار ھان ءِ کھول یازدہ سال اِنت کہ آئی ءِ آجوئی ءَ رھچار اِنت، نسیب اللہ بادینی ءِ بیگواھی ءَ ھپت سال سرجم بیتگ۔ چہ نوشکے ءَ پاکستانی لشکر ءِ دست ءَ بیگواہ بیتگیں نسیب اللہ بادینی ءِ کھول شال ءَ بیگواھیں بلوچانی توار ءِ گدان ءَ آتکگ، آئی ءِ مات ءَ پہ وتی بچ ءِ یل کنگ ءَ دزبندی کرتگ۔ نسیب اللہ بادینی 2014 ءَ پاکستانی لشکر ءَ چہ نوشکے ءَ آوار جتگ ءُ بیگواہ کرتگ۔ سبی ءِ جھمنندیں ھاجی مزار ھان ءِ بیگواھی ءَ یازدہ سال ءَ گیش گوستگ۔ مزار ھان ءِ کھول انگت آئی ءِ آجوئی ءِ رھچار اِنت۔ ھاجی مزار ھان ء گھرام 28 مئی 2010 ءَ گوں دگہ چار مردم ءِ ھمراھی ءَ پاکستانی لشکر ءَ آوار جتگ ءُ بیگواہ کرتگ۔  مزار ھان ءِ کھول ءِ گوشگ اِنت کہ سبی جالڑی ءَ پاکستانی لشکر ءَ لشکر کشی ءِ میان ءَ گوں مزار ءِ ھواری پنچ مردم شاہ میر ء ھاجی، پیز مھمد ء جلاب، نزر الی ء گھرام ءُ یار ھان ء گھرام آوار جتگ ءُ بیگواہ کرتگ۔ کھول ءِ گوشگ اِنت کہ آدگہ کُل مردم جتا جتائیں وھداں آجو بیتگ اَنت، ھاجی مزار ھان انگت بیگواہ اِنت۔  بنشون:دمگی اھوالکار/اکس:دمگی اھوالکار