ریڈیو زْرمبش بلوچی | ریڈیو زْرمبش بلوچی,شھید-اکبرھان-بگٹی

شھباز (اکبر بگٹی) ءَ پد پاکستان ءُ بلوچ پارلیمانی سیاستدان

شھباز (اکبر بگٹی) ءَ پد پاکستان ءُ بلوچ پارلیمانی سیاستدان

AUG

27
27 / 08 / 2020 نبشتانک 119

شھباز (اکبر بگٹی) ءَ پد پاکستان ءُ بلوچ پارلیمانی سیاستدان
(سادگیں زبان ءَ)


نبشتہ کار ✏ : ملنگ بلوچ


ھما وھد ءَ کہ شھمیریں شھباز ھست اَت ءُ پارلیمانی سیاست برجاہ اَت، بلوچ جھگیراں کمو باز راجی سیتانی بارہ ءَ جیڑ اِت ءُ گوں راج ءَ سادگ ءُ تچک اَت اَنت۔بہ گندئے اے شھمیریں شھباز ءِ سیاسی بالاد ءِ پرسانی بیتگ کہ دگہ بلوچ جھگیر چوش کہ اتا اللہ مینگل ءِ ھیال ھم ھمے نیمگ ءَ بیتگ ءُ ایشانی کش ءَ گوس بکش ءِ ھستی بیتگ۔ھمے راجی دردماری ءَ شھباز ءَ را سرمچار جوڑ کرت ءُ پیراں سری پہ راج ءَ کوھاں درنگ بوت۔چہ شھباز ءِ شھمیری ءَ پد بلوچستان ءِ جاور انچ اَت انت کہ روکیں آس۔
ایوک ءَ پاکستان آئی ءِ سر ءَ ایر بہ کرتیں دمان ءَ نیست بیتگ اَت۔پرچا کہ شھید واجہ گلام مھمد ءِ وڑیں سرانی ھستی ءَ جاور انچوش اَت اَنت کہ منزل بس یک گامے اَت بلے آ وھد ءَ ھما چیز ءَ کہ مارا چہ مئے منزل ءَ دور داشت آ پارلیمانی سیاستدانانی دروھگ ءُ بلوچستان ءَ شھباز ءِ وڑیں سیاسی بالادانی کمی اَت۔
اے پارلیمانی سیاستدانانی دروھگ ءَ بلوچ بھ شموشت نہ کنت پرچا کہ چہ ایشانی دروھگ ءَ پَد گوں ھمیشانی نشاندھی ءَ ھزاراں بلوچ پسگ ءِ جون گیاباناں تلام بوت ءُ ھزاراں ماتانی تاسپیں بچ ماں بندی جاھاں شت اَنت ءُ روچ ء مروچی بیگواہ اَنت ءُ دگے ھزاراں بے وسانی آجوئی ءِ ارمان آپ ءَ بُرت اَنت۔ءُ ما روچ ء مروچی ھمے آس ءَ سچگ ءَ ایں۔
پرچا...؟
پرچا کہ ھمے پدکنز بیتگیں سیاستدانانی تہ ءَ لھتے ءَ راج ءِ دردوار پیش دارگ بیگ ءَ اِنت ءُ پہ آھانی نامدار کنگ ءَ دومی نیمگ ءَ لھتے ناکارہ ءُ آپ کپتگیں کارست تامر ءِ تہ ءَ آرگ بیتگ داں کہ آ وتی بنی مول ءَ سوبین بہ بیت۔
انچوش کہ پہ ھندوستانی تامرانی تامدار کنگ ءَ ھیرو ءُ ولن ءَ دیم پہ دیم کن اَنت۔بلوچستان ءَ چہ شھباز ءَ پد بلوچ ءِ پارلیمان ءَ نشتگیں جھگیر تامرے ءِ کارست اَنت ءُ آ تامر ءِ سوجکار(ڈائریکٹر) پنجاپ ءِ فوج اِنت ءُ ایشی ءِ تہ ءَ ھچ شک نیست۔پرچا ھمے کہ راج ءِ درد وار پیش دارگ بیگ ءَ اَنت مدام اپوزیشن ءَ اَنت ءُ بلوچِستان ءِ ناگیگیں جاورانی بارہ ءَ کدی پہ وتی دوزھیں لاپ ءِ آس ءِ توسگ ءَ ءُ کدی پہ بلوچ ءِ چست بیتگیں توار ءِ ایرموش کنگ ءَ گپ جن اَنت۔
پرچا...؟
پرچا کہ واجہ اے تامر ءَ ھمے داب ءَ دیم ءَ برگ ءُ دراج تِر کنگ لوٹ ایت۔ءُ بلوچ ءَ مدام امیت وار کنان اِنت داں وھدے کہ واجہ ءِ اوٹ ءِ پیتی بہ یا اَنت گڑا پہ جھان ءَ پیش دارگ ءَ چیزکے سادگیں بلوچک بہ بیت۔


 


اے تامر ءِ ھیرو ءِ کارست ءِ مردم ازمکاری ءَ جوانی ءَ شیوار اِنت ءُ ولن ھم ھمے داب ءَ...!


 


ءُ سوجکار ءِ وَ گَپّ نہ بیت ،بلے بلوچاں ھم کاہ نہ وارتگ...