ریڈیو زْرمبش بلوچی | ریڈیو زْرمبش بلوچی

شال: سے شمبے روچ ءَ بلوچ یکجھتی کمیٹی ءِ نیمگ ءَ بلوچی زبان ءِ مزنشانیں آشوبی شائر مبارک کازی ءِ یاد ءَ روانکے کشگ بیتگ ءُ ایم بی سی ءَ جنازہ ءِ نماز وانگ بیتگ۔

روانک ءَ سول سوسائٹی ءِ کارکن، بچک ءُ جنکیں نودربرانی ھواری ءَ جتائیں بھرگاں سیادی داروکیں مردماں بازیں کچے ءَ بھر زرتگ۔ روانک چہ بلوچستان زانشتجاہ ءَ در کپتگ ءُ بی ایم سی ءَ آسر بیتگ۔

روانک ءَ ھواریں مردماں مزنشانیں شائر مبارک کازی ءِ اکس دستاں بیتگ اَنت ءُ آیاں وتی راجی شائر ستک شانی ندر کرتگ۔

مبارک کازی بارو ءَ آیاں وتی ھیال درشانتگ اَنت ءُ گوشتگ کہ کازی ءَ زندمان ءِ درسیں جنجالانی دیمپانی کرتگ ءُ چہ وتی راھبنداں پد کنز نہ بیتگ، آ چہ وتی آشوبی شائری ءَ راج ءِ دل ءِ تہ ءَ پہ مدامی اَبدمان اِنت۔

آیاں گوشتگ کہ نمیرانیں مبارک کازی ءِ شائری پہ بلوچ راج ءَ بے دروریں سوگات اَنت ءُ ھمک وھد ءَ مئے راھشونی ءَ کن اَنت۔ ب

نشون: اھوالکار / اکس: اھوالکار