ریڈیو زْرمبش بلوچی | ریڈیو زْرمبش بلوچی

شال ءِ زورانسری بیگواھیں مردمانی کھولاں پہ وتی مردمانی سلامتی آجوئی ءَ زھرشانی کرتگ۔

شال ءِ زورانسری بیگواھیں مردمانی کھولاں پہ وتی مردمانی سلامتی آجوئی ءَ زھرشانی کرتگ۔

JUL

01

شال: بلوچستان ءِ بنجاھی شھر شال ءَ پنچ شمبے ءِ روچ ءَ وی بی ایم پی ءِ سروکی ءَ بیگواھیں شھزاد، مکتیار، اتیک ءُ اھمد ءَ ھوار پہ آدگہ زورانسری بیگواھیں نودربرانی آجوئی ءَ زھرشانی کنگ بیتگ۔      بیگواھیں شھزاد، اتیک الرھمان ءُ اھمد پاکستانی لشکر ءَ ھمے سال ءِ چار جون ءَ آوار جتگ اَنت، ھمے وڑ ءَ بیگواھیں ڈاکٹر مکتیار اھمد، تاھر ءُ الی ھسن ءَ یازدہ جون ءَ شال ءِ موسا لونی ءَ آوار جنگ ءَ پد بیگواہ کرتگ۔ زھرشانی ءَ آدگہ بیگواھیں مردمانی کھول ھوار بیتگ اَنت، آیاں ءَ وتی بیگواھیں مردمانی اکس ءُ بیگواھی ءِ بگیری ءَ پلے کارڈ گوں بیتگ۔ آیاں تران کرتگ ءُ گوشتگ کہ مئے نوکیں لوٹ نہ اَنت، اے لوٹ چہ سالاں کنگ بیگ ءَ اَنت کہ مئے بیگواھیں مرم آجو کنگ بہ بنت۔ اگاں میار بار اَنت گڑا آمیدگس ءَ پیش کنگ بہ بنت۔ آیاں گوشتگ کہ پاکستانی لشکر چہ وتی زوراکیاں ریاست ءِ رھبند ءُ کانود ءَ لپاشگ ءَ اَنت۔ مردماں بے میار ءَ آوار جنگ ءُ بیگواہ کنگ ءَ اَنت۔ ما یک ناگیگیں زندمانے گوزینگ ءَ ایں، ما اد ءَ پہ ھک ءِ لوٹ ءَ آتکگ ایں مارا ھک دیگ بہ بیت ءُ مئے پریات گوش دارگ بہ بنت۔ بنشون: اھوالکار | اکس: اھوالکار