ریڈیو زْرمبش بلوچی | ریڈیو زْرمبش بلوچی

میان استمانی مردمی اگبالانی گل ایمنسٹی انٹرنیشنل ساؤتھ ایشیا ءَ وتی شنگ کرتگیں درشانے ءَ گوشتگ کہ ما چہ پاکستانی سرکار ءَ دزگیری ءَ پد بیگواہ کنگ بیتگیں بلوچ نودربرانی دیم آرگ ءُ آمیدگس ءَ پیش کنگ ءِ لوٹ ءَ کن ایں، بلوچ نودربرانی درکانودی دزگیری مردمی اگبالانی ناھکیں لپاشگ اِنت۔ آئی ءَ گوشتگ کہ پاکستانی سرکار سالم ءُ اکرام ءِ بارو ءَ آیانی کھولاں سرپدی بہ دنت ءُ آیانی سر ءَ چونیں بھتام ھست گڑا آمیدگس ءَ پیش بہ کنت ءُ آیان ءَ انساپ ءِ موہ ءَ بہ دنت۔ گل ءِ گوشگ اِنت کہ اگاں بلوچ نودربرانی سر ءَ چونیں کیس جنگ بیت گڑا آ آمیدگساں پیش کنگ لوٹ اَنت اود ءَ میان استمانی مردمی اگبالانی کانود ءِ رد ءَ سوڑگ گوشگ بہ بنت۔ بنشون: درشان / اکس: دامگ