ریڈیو زْرمبش بلوچی | ریڈیو زْرمبش بلوچی

چہ سند ءَ پنجاپ ءَ روکیں لین ءِ ٹاور ءِ تباہ کنگ ءِ زمہ واری ایس آر اے ءَ منّ اِتگ

چہ سند ءَ پنجاپ ءَ روکیں لین ءِ ٹاور ءِ تباہ کنگ ءِ  زمہ واری ایس آر اے ءَ منّ اِتگ

JAN

25
25 / 01 / 2023 پاکستان  ,  ایران 47

سندھودیش روولیوشنری آرمی ءِ جارکش سوڈھو سندی ءَ ماں رسانکدر ءَ وتی شنگ کرتگیں درشانے ءَ گوشتگ کہ ایس آر اے پنجاپ ءَ روکیں ھائی ٹرانسمیشن ءِ لائن مانجھند ( جامشورو) ءِ نزیک ءَ کھانوٹھ ءَ بمب اُرش ءَ نشانگ کنگ ءِ زمہ واری ءَ منّ ایت۔ جارکش ءِ رد ءَ سندھودیش روولیوشنری آرمی ءَ مرچی سھب ءَ مانجھند ( جامشورو ) ءِ نزیک ءَ کھانوٹھ ءَ پنجاپ ءَ روکیں 500kV ھائی ٹرانسمیشن لائن گوں اُرش ءَ نشانگ کرتگ۔ سوڈھو سندھی ءَ وتی درشان ءَ گوشتگ کہ پنجاپ ءَ سند سرڈگار پہ زور دستیگ کرتگ ءُ سند ءِ مڈیاں لُٹ ءُ پل کنگ ءَ اِنت۔ پمیشکا چہ سند ءَ لُٹ پُل کرتگیں پنجاپ ءَ روکیں درسیں چیز ءُ لین ایس آر اے ءِ نشانگ ءَ اَنت۔ جارکش ءَ وتی درشان ءِ گُڈی ءَ گوشتگ کہ ایس آر اے داں سند ءِ آجوئی ءَ وتی گھگیری جھد ءَ برجاہ دارگ ءِ کول ءَ کنت۔ بنشون: درشان | اکس: دامگ