ریڈیو زْرمبش بلوچی | ریڈیو زْرمبش بلوچی

راگے: واشک ءِ ھند راگے ءَ پجار نہ بیتگیں سلاہ بنداں پاکستانی لشکر ءِ پانگس ءَ اُرش کرتگ۔ اھوالکار ءِ رد ءَ سلاہ بندیں مردماں دوشی شپ ءِ ادار ھپت ءُ نیم ءَ راگے ءِ بلوچ آباد ءَ پاکستانی لشکر ءِ برجاھیں پانگس ءَ گوں اسنائپر ءُ وتکاریں سلاھاں اُرش کرتگ۔ اُرش ءَ پاکستانی لشکر ءِ جانی تاوان ءِ ھال اِنت۔ یات بہ بہ اِت کہ بلوچستان ءَ زورگریں پاکستانی لشکر ءِ سر ءَ اُرشانی زمہ واری بلوچ آجوئی لوٹوکیں سلاہ بندیں گلاں زْرتگ اَنت، بلے اے اُرش ءِ زمہ واری انگت ءَ ھچ گَل ءَ نہ زْرتگ۔ بنشون: اھوالکار | اکس: زْرمبش