ریڈیو زْرمبش بلوچی | ریڈیو زْرمبش بلوچی

پسنی:جُڈی ھور ءَ الی جان نامیں ورنایے ءِ لاش دزکپتگ

پسنی:جُڈی ھور ءَ الی جان نامیں ورنایے ءِ لاش دزکپتگ

JUL

20

گودر ءِ ھند پسنی ءَ مرچی سُھب ءَ جُڈی ھور ءَ الی جان ءِ الاھی بکش جھمنند وارڈ نمبر6 ءِ لاش دزکپتگ۔ ھندی بنشون ءِ رد ءَ الی جان ءِ سر ءَ یکبرے چیزے جنگ بیتگ ءُ پد ءَ سر ریک ءِ تہ ءَ بُڈینتگ۔کھول ءِ بنشون ءِ رد ءَ الی جان دو سَے روچ بیت کہ بیگواہ بیتگ۔الی جان ءِ مستریں برات نجیب اللہ چہ گْوستگیں رمزان ءَ گوں یدار ءَ بیگواہ اِنت۔ الی جان، اردو ءُ بلوچی زبان ءِ ورنائیں شائر اکمل شاکر ءِ کستریں برات اِنت۔ بنشون:دمگی اھوالکار /اکس:دامگی اھوالکار