پنجگور: پروم ءَ پجار نہ بیتگیں سلاہ بندیں مردماں چار مردم گوں سلاہ ءُ ساماناں دزگیر کُرتگ ءُ گوں وت بُرتگ اَنت۔
اھوالکار ءِ رد ءَ انشپی پروم ءِ میتگ بندکین ءَ پجار نہ بیتگیں سلابندیں مردماں نوک بندگ ءَ بیتگیں سرکاری نادراھجاہ ءِ سر ءَ اُرش کُرتگ ءُ گاٹ گوں سلاہ ءُ ساماناں دزگیر کُرتگ ءُ گوں وت بُرتگ اَنت۔
ھندی بنشون ءِ رد ءَ اے نادراھجاہ ءِ ٹیکہ دمگ ءِ سرکاری کشندہ ٹولی ءِ سروک بجار شمبیزھی ءَ گون اِنت ءُ اے مردم کہ دزگیر کنگ بیتگ اَنت،کُشندہ ٹولی ءِ کارمند اَنت۔
چونائی ءَ بلوچستان ءَ پاکستانی لشکر ءُ آئی ءِ زورگری شوربندیانی سر ءَ اُرش کنگ ءِ ھواری ءَ کُشندہ ٹولی ءِ سر ءَ اُرشانی زمہ واری بلوچ آجوئی لوٹوکیں سلابندیں گلاں زُرتگ اَنت بلے اے اُرش ءِ زمہ واری انگت ھچ گل ءَ نہ زُرتگ۔
بنشون: اھوالکار / اکس: اھوالکار
