ریڈیو زْرمبش بلوچی | ریڈیو زْرمبش بلوچی

شال: شھید شراتون ءُ اللہ بکش شھیدانی مانشجاہ ءَ گلزمین ءِ میار کنگ بیتگ اَنت

شال: شھید شراتون ءُ اللہ بکش شھیدانی مانشجاہ ءَ گلزمین ءِ میار کنگ بیتگ اَنت

OCT

19

شال: پرکوٹگ (ھوشاپ) وئیل ءَ شھید بیتگیں زھگ نوکیں کاھان ءَ بلوچستان ءِ شھیدانی مانشجاہ ءَ گلزمین ءِ میار کنگ بیتگ اَنت۔شھیدیں زھگانی جنازہ ءِ نماز ءَ نودربراں ھوار مردماں مزنیں کچے ءَ بھر زُرتگ۔ زھگانی لاش نوکیں کاھان ءُ بلوچستان ءِ شھیدانی مانشجاہ ءَ بلوچ راجی زْرمبشت ءِ راھشون بابا ھیربکش مری ءِ مانش ءَ ھوار دگہ بازیں شھید ھمے مانشجاہ ءَ کل اَنت۔ «گچینی گپ» شھیدانی لاش بلوچ جنیناں بڑّ ءَ کُرتگ ءُ داں مانش ءَ بُرتگ اَنت۔بلوچ گْوستانک ءَ اولی بر ءَ بلوچ راجی راھشون ھیربکش مری بیتگ کہ آئی لاش آئی گْوشگ ءَ ابید پہ کل کنگ ءَ دگہ جاھے پہ کل کنگ ءَ برگ ءِ بنت گڑا بلوچ جنین گھگیری کن اَنت ءُ چہ آئی ءِ زھگ چنگیزے دست ءَ لاش ءَ زِن اَنت ءُ لاش ءَ نوکیں کاھان ءَ شھیدانی مانشجاہ ءَ کل کن اَنت ءُ لاش ءَ جنین وت بڑّ ءَ کن اَنت ءُ داں مانش ءَ بر اَنت۔ بلوچ چاگرد ءَ سیاسی پِڑ ءَ نوں مردینانی برابر ءَ نہ بلکیں چہ مردیناں گیش وتی کِرد ءَ پیلو کنگ ءَ اَنت ءُ یک گْوستانکے نبشتہ بیتگ۔ بنشون: اھوالکار | اکس: اھوالکار