ریڈیو زْرمبش بلوچی | ریڈیو زْرمبش بلوچی

پنجگور ءَ سیمسر ءِ بند بیگ ءِ بگیری ءَ دو روچ اِنت تھتگ بند زھرشانی برجاہ بیتگ

پنجگور ءَ سیمسر ءِ بند بیگ ءِ بگیری ءَ  دو روچ اِنت تھتگ بند زھرشانی برجاہ بیتگ

NOV

23

پنجگور: سیمسر ءَ باپاری، دامگ ءُ آدگہ لوٹانی بگیری ءَ دو روچ اِنت شھر ءَ تھتگ بند زھرشانی برجاہ بیتگ۔زھرشانی ءَ شھر ءَ کسان ءُ مزنیں درسیں باپاری بُنجاہ بند بیتگ اَنت۔ اے تھتگ بند زھرشانی ءِ جار چہ باپاری پتر ءِ نیمگ ءَ جنگ بیتگ۔ باپاری پتر ءِ سروک ھلیل دھانی ءِ رد ءَ پَنجْگُور ءِ زھرشانی سیمسر ءِ بند بیگ، دامگ ءُ آدگہ جیڑھانی بگیری ءَ کنگ بیگ ءَ اِنت۔ آئی ءَ دیمتر ءَ گوشتگ کہ دں مئے یازدھیں بُنگپ منّگ نہ بیتگ اَنت تھتگ بند زھرشانی برجاہ بیت۔ اے جیڑہ ءِ سر ءَ واکدار نادلگوش بوت اَنت گڑا سی پیک دگ ءَ زھرشانی ءَ بند کن ایں۔ آئی ءَ گُڈسر ءَ گوشتگ کہ مئے زھرشانی پُرایمن اِنت ءُ ما پُرایمنیں وڑے ءَ وتی جیڑھاں گیش ءُ گیوار کنگ لوٹ ایں۔ چہ تھتگ بند زھرشانی ءَ مردمانی زندمان الّم جنجالانی دیمپان بیت۔ بنشون: اھوالکار | اکس: اھوالکار